“Etke Iaļen Bujen eo,” N̄an Kōkajoorļo̧k Jodikdik ro, Māe 2021.
M̧wen̄an
Etke Iaļen Bujen eo
Jijdikdik in
Ta in iaļ in bujen? Ej juon iaļ eo ej tōlļo̧k n̄an aelōn̄ in seletial eo an Anij. Jej pād ilo iaļan kōjām in peptaij. …
Jet remaron̄ ba, “imaron̄ kōm̧m̧ani kālet ko rem̧m̧an ak jab peptaij; ijjab aikuji bujen ko bwe in juon armej eo em̧m̧an im ejejjet.” … Innām, ta, oktak eo an iaļ in bujen in?
Ilo m̧ool, oktak eo ejejjet im elukkuun aorōk. …
M̧oktata ej piktokin ad pokake n̄an Anij. Eļapļo̧k n̄an bōk ļōmņak ko, jej kallim̧ur n̄an mour kake aolep naan otemjeļo̧k ej diwōjtok jān lo̧n̄iin Anij. Ewi wāween ad maron̄ ļoor waajon̄ak ko an Jisōs Kraist. …
Juon iaan iaļ in bujen eo ejejjet ej kadkad eo ad ippān Anij. Bujen ko Anij ej litok n̄an ro Nejin eļapļo̧k kōm̧m̧ani jān tōl kōj. Rejlukōj kōj n̄an E. …
Menin ej tōlļo̧k kōj n̄an ļōmņake kōjeraam̧m̧an eo ejenolo̧k kein kajilu ilo iaļ in bujen in. Anij ej letok juon menin letok eo eaiboojoj n̄an jipan̄ armej ro rej kōm̧m̧an bujen n̄an erom̧ armej ro rej kōjparok bujen ko: eo ej letok eo an Jetōb Kwojarjar. …
Kein kemen, ro rej ļoor iaļ in bujen in rej lo kōjeraam̧m̧an ko rejenolo̧k ilo aiintok doon in ekwojarjar [āinwōt kweilo̧k ko an kwojkwoj im kabun̄jar ilo tampeļ]. …
Āliktata, ej iaļ eo wōt n̄an pād ilo iaļ in bujen in me jej jolete kōjeraam̧m̧an ko an Ebream, Aisek, im Jekab, kōjeram̧m̧an ko lo̧mo̧o̧r ejjeļo̧k jem̧ļo̧kin im mour ijo ilōn̄tata me Anij emaron̄ letok. …
Kōtļo̧k bwe kajjojo iaad im āinwōt juon armej jen ron̄jake kūr eo an rikanaan eo n̄an pād wōt ilo iaļ in bujen in.