“COVID-19 im Tampeļ ko,” N̄an Kōkajoorļo̧k Jodikdik ro, Māe 2021.
M̧wen̄an eo an Ālkin Rālep in Jabōt
COVID-19 im Tampeļ ko
Jijiddikdik in
Jinoin iiō eo ļo̧k, kōnke ajedeed in COVID-19 im ad kōņaan erom̧ citizen ro rem̧m̧an ipeļaakin laļ in, jekar kōm̧m̧ani kālet ko reppen n̄an kilōki aolep tampeļ ko ium̧win jidik iien. Ilo allōn̄ ko tokālik, jekar bōk im̧we n̄an bar kōppeļļo̧ki tampeļ ko kōn juon jekjek in jet ilo̧k jet. Tampeļ kein kiiō em̧ōj aer peļļo̧k ilo phase ko emān, lukkuun ļoore kakien ko an kien eo ioļap im wāween m̧akūtkūt ko retiljek. …
Jej kam̧m̧oolol kōn ami kijenmej im kijejeto ilo jerbal in jipan̄ ilo iien in eoktak im eapan̄ Ij jar bwe kōņaan eo ami n̄an kabun̄jar im jerbal ilowaan tampeļ eo ej bwil eļapļo̧k im meramļo̧k kiiō jān m̧okta.
Bōlen kom̧ij ļōmņak n̄āāt eo kom̧ naaj maron̄ jepļaak n̄an tampeļ eo. Uwaak eo: Tampeļ eo an enaaj peļļo̧k n̄e kakien ko an kien eo ioļap renej kōtļo̧k e. …
Ak ilo tōre in, kōjparok bujen tampeļ ko ami im kōjeraam̧m̧an ko raorōktata ilo ļōmņak ko ami im būruwōmi. Mool wōt n̄an bujen ko kom̧ ar kōm̧m̧ani.
Jej kalōk kiiō n̄an ilju im jekļaj eo!. …
Jekōņaan bōktok m̧weo im̧ōn Irooj aaet bwe en epaakeļo̧k membōr ro, bwe ren maron̄ wōr aer iien ko rekwojarjar n̄an deļo̧n̄e tampeļ eo emakijkij in wōt n̄e jekjek ko aer rej kōmaron̄ er. …
Tampeļ rej juon iaan m̧ōttan eo aorōk n̄an Jepļaaktok eo an gospel eo an Jisōs Kraist ilo tarlep in. Kain̄i ko an tampeļ eo rej kobrak mour ko ad kōn kajoor im maron̄—rej pād ilo ejjeļo̧k bar juon iaļ. Jej kam̧m̧oolol Anij kōn kōjeraam̧m̧an kein.