“Komaron̄ Aiintok Israel!,” N̄an Kōkajoorļo̧k Jodikdik ro, Māe 2021.
M̧wen̄an eo an Priesthood
Komaron̄ Aiintok Israel!
Jijiddikdik in
Enan̄in jilu iiō ko remootļo̧k, Būreejtōn Russell M. Nelson kar karwainene aolep jodikdik ro ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata “n̄an koba ilo jarin tariņae eo an jodikdik ro an Irooj n̄an jipan̄ aiintok Israel” ilo jait ko ruo. Eaar ba, “Aiintok in ej men eo eļap an aorōk ej waļo̧k ilo laļ in rainin” [“Hope of Israel” (worldwide youth devotional, June 3, 2018), 8, HopeofIsrael.ChurchofJesusChrist.org]. Ilukkun jeļā kom̧ jodikdik emaron̄ kōm̧m̧ane men in—im lukkun em̧m̧an nej ami kōm̧m̧āne—kōnke (1) juon men kōn won kwe im (2) juon kajoor ilo kom̧. …
… Ekkar n̄an bok in Revelesōn, “Raar tariṇae ilo lan̄”! [Revelesōn 12:7–8]. Setan ekar kapo juon m̧ōttan jilu in ajri in jetōb ro nejin Jemedwōj Ilan̄ bwe en e eo ej anjo̧ ijeļo̧kin Anij. Bōtab ejjab kwe! Rijilōk Jon ekar loe bwe kwar anjo̧ ioon Setan “kōn naan in [ami] kam̧ool.”… [Revelesōn 12:11].
… Ilo ami jeļā kom̧ naaj anjo̧ ioon Setan kōn naan in kam̧ool eo ami m̧okta jān naaj jipan̄ kom̧ iakwe, kwaļo̧k, im karwainene8kiiō im iien otemjej—n̄an kūr ro jet n̄an itok im loe, itok im jipan̄, im itok im uwaan, ejja āinwōt tariņae eo n̄an jetōb ko an ajri ro nejin Anij ej wōnm̧aanļo̧k wōt. …
Būrookraam̧ eo an Ajri im Jodikdik ro ej juon tuul in kanaan n̄an jipan̄ jodikdik kakōjoorļo̧k tōmak eo eļap. … Ilo ami jodikdik ro tol—tol—ilo mour kōn gospel eo, kea kōn ro jet, karuwaineneik aolep n̄an bōk gospel eo, kobaik baam̧le ko n̄an indeeo, im karōk m̧akūtkūt ko rekalimomo, tōmak eo eļap ilo Kraist kōm kar bōke ilo mour eo m̧okta naaj bar waļo̧k im kōkajoor kom̧ n̄an kōm̧m̧ane jerbal eo An ilo mour in!