“Jab Āinwōt an Laļ Lewōj,” N̄an Kōkajoorļo̧k Jodikdik ro, Māe 2021.
M̧wen̄an eo an Ālkin Ralep in Jādede
Jab Āinwōt an Laļ Lewōj
Jijdikdik in
Kakkure im aitwerōk renaaj pād aolep jikin ilo raan ko āliktata. …
Ro jeiū im jatū, jej loe elōn̄ aitwerōk ko, illu, mour jaje manit ko ipeļaakid. …
… Kōn menin, Ijtō in jen kajjieon̄ n̄an mour kōn aenōm̧m̧an ilo mour ko ad make, mour kōn jouj im wūno in kōmour eo an Pinmuur eo an Irooj Jisōs Kraist n̄an kōj make im baam̧le ko ad im aolep ro jemaron̄ tōpar er ipeļaakid.
… Jej aikuji wōt ta eo jeje ko rekwojarjar me rej ņa etan “kajoor ko an lan̄,” im n̄an bōk kajoor kin me jej aikuj mour kaki kōn ejja ta eo wōt jeje kein rekwojarjar me rej ņa etaer “pedped in katak kōn mour jim̧we” [Katak im Bujen Ko 121:36]. …
… Pedped in katak ko an jim̧we ekoba m̧wil ko āinwōt kijenmej, meanwōd, jouj im iakwe. N̄e en kar ejjeļo̧k pedped in katak kein ilo m̧ool jenaaj kar mour kōn aitwerōk, jum̧ae im metak. …
… Ilju ej Ijtō, juon iien n̄an pedped in katak ko rekwojarjar an gospel eo an Jisōs Kraist im Pinmuur eo An n̄an “anjo̧” —anjo̧ ioon ioon aitwerōk im jum̧ae, anjo̧ ioon burom̧ōj im bōd, im eļaptata anjo̧ ioon mej.
Jekdo̧o̧n liaakeļo̧k eo im metak eo, jekdo̧o̧n kōm̧m̧an ko aer renana im kōmetak, im jon̄an aolep jerawiwi ko im būrom̧ōj ko an aolep armej, Nejin Anij emour ekar reilaļ tak n̄an iaļ in eaitok ilo mour in, kar lo kōj ilo wiikān in, im kar ba: “Aenōm̧m̧an Ij likūt ņa ippemi, Aō aeņōm̧m̧an Ij lewōj n̄an kom̧: N̄a ij lewōj n̄an kom̧, jab āinwōt an laļ lewōj. En jab pok būruemi, im en jab lōļn̄o̧n̄” [Jon 14: 27]. Jeraam̧m̧an ilo Ijtō in, ekam̧ōņōņō,im eaenōm̧m̧an.