“Anij Ilubwilijid,” N̄an Kōkajoorļo̧k Jodikdik ro, Māe 2021.
M̧wen̄an eo an Jibbon̄ in Jabōt
Anij Ilubwilijid
Jijdikdik in
N̄e jej en̄jake likjab, en̄jake jojoļāār, im meļo̧kļo̧k, jej ekkatak bwe jemaron̄ jeļā bwe Anij ejjan̄in de meļo̧ļo̧k kōj—ilo m̧ool, E ej letok n̄an aolep ajri ro Nejin juon men jab meļeļe kake: n̄an erom “ri jolōt an Anij, im ri jolōt ippān Kraist” [Rom 8:17]. …
Kōnke kōn Jisōs Kraist, likjab ko ad rejjab aikuj kwaļo̧k kadkadid. Remaron̄ kōkāāl kōj. …
Eļan̄n̄e jej ukweļo̧k, bōd ko reban joļo̧k kōj. Rej m̧ōttan eddōkļo̧k eo ad. …
Emakijkij aō kōn ļōmņak, Ta eo Jisōs enaaj kar katakin im kōm̧m̧ane eļan̄n̄e E en kar pād ilubwilijid rainin?. …
Rilo̧mo̧o̧r eo aolep iien ej katakin m̧ool ko rejjab oktak. Rej jerbal n̄an armej ro ilo aolep epepen im ilo jabdewōt jekjek ko.
Ennaan eo an ekar im ej juon ennaan in kōjatdikdik im uwaan—juon naan in kam̧ool bwe Anij Jemedwōj Ilan̄ ejjan̄in kar kōjerawawiki ro Nejin.
Bwe Anij ej ilubwilijid! …
Ilo ad pukōt n̄an ļoor Jisōs Kraist im etetal ilo iaļ in rikaļoor, lain im bar lain, raan eo enaaj itok me jenaaj en̄jake bwe menin letok eo jab maron̄ meļeļe kake an bōk juon tarlep in lan̄lōn̄. …
Ij lewaj n̄an kom̧ iakwe eo aō im kōjeraam̧m̧an ilo tōre in iien Ijtō in elem̧ōņōņō. Kōpeļļo̧k būruōmi n̄an ad Rilo̧mo̧o̧r im Ripinmuur eo, jekdo̧o̧n ta jekjek ko ami, mālijjon̄ ko, en̄taan ko, ak bōd ko; kom̧ maron̄ jeļā bwe E ej mour, bwe E ej iakwe kom̧, im bwe kōnke kōn E, kom̧ij jamin naaj makeļo̧k.
Anij ej ilubwilijid.