“Ij Mōņōņō in Lo Tampeļ eo,” N̄an Kōkajoorļo̧k Jodikdik ro, Māe 2021.
M̧wen̄an eo an Jibbon̄ in Jādede
Ij Iakwe in Lo Tampeļ eo
Jijdikdik in
Durban South Africa Tampeļ
Ijeļā bwe tampeļ ko an Irooj rej jikin ko rekwojarjar. Un eo aō rainin ilo aō kōnono kōn tampeļ ko ej n̄an kōļapļo̧k ikdeelel eo am̧ im aō n̄an erreo im pojak n̄an iien ko rem̧m̧an im rellōn̄ n̄an en̄jake ko an tampeļ me rej itok wōt n̄an kōj. …
Eļan̄n̄e kwe ak n̄a naaj etal n̄an tampeļ ilo an jabwe ad erreo, jeban maron̄ lo, kōn kajoor eo an Jetōb Kwojarjar, katak ko ilo jetōb kōn Rilo̧mo̧o̧r me jemaron̄ bōki ilowaan tam̧peļ eo.
N̄e jej erreo n̄an bōk katak rōt in, ijo emaron̄ eddōkļo̧k kōn en̄jake eo ad ilo tampeļ kōjatdikdik, lan̄lōn̄, im kōjatdikdik kōn ilju eo em̧m̧an ilo aolepān mour ko ad. Kōn kōjatdikdik, lan̄lōn̄, im kōjatdikdik kōn ilju eo em̧m̧an rej pād wōt ilo ad būki kain̄i ko rej kōm̧m̧an ilo tampel ko rekwojarjar. Ilo tampeļ wōt jemaron̄ bōk jeļā eo ewāppen kōn jemdoon ko an baam̧le me emaron̄ wōnm̧aanļo̧k ālikin mej im n̄an indeeo. …
… Im jejeļā bwe m̧ōņōņō indeeo eo ad ej pedped wōt ioon ad kōm̧m̧an ijo jemaron̄ e n̄an leļo̧k ejja m̧ōņōņō in ejjeļo̧k jem̧ļo̧kin n̄an jon̄an wōt eo jemaron̄ e n̄an ro jibūd im jim̧m̧ad.
Ij en̄jake ejja ikdeelel eo n̄an tōprak ilo aō karuwaineneik ro uwaan baam̧le eo aō rej mour wōt n̄an erom̧ erreo n̄an bōk im n̄an kautiej kain̄i in liāp ko an tampeļ. En̄in ej m̧ōttan kalliim̧ur eo n̄an aiintok Israel ilo raan ko āliktata jim̧or ilo jait ko in ran̄ōl eo.