“Lo! N̄a Anij in Mennin Bwilōn̄ ko,” N̄an Kōkajoorļo̧k Jodikdik ro, Māe 2021.
M̧wen̄an eo an Ālkin Rālep in Jabōt
“Lo! N̄a Anij in Mennin Bwilōn̄ ko”
Jijdikdik in
Mennin bwilōn̄ ko, kakōļļe ko, im kabwilōn̄lōn̄ ko kar lo aer ellōn̄ ilubwilijin rikaļoor ro an Jisōs Kraist rainin, ilo mour ko ami im aō. Mennin bwilōn̄ ko rej jerbal ko rekwojarjar, waļokļo̧k ko im kakkōļļe ko an kajoor eo ejjeļo̧k jem̧ļo̧k an Anij im juon kean̄ bwe E ej “juon wōt inne, rainin, im indeeo”Moronai 10:19]. Jisōs Kraist, eo ekar ejake lojet ko, emaron̄ kaenōm̧m̧an er; E eo ekar leļo̧k loļo̧kjeņ n̄an ripilo emaron̄ ļōn̄aj loļo̧kjeņ ko ad n̄an lan̄; E eo ekar karreoik rilōba ro emaron̄ karpene m̧ōjņo̧ ko ad; E eo ekar kōmour em̧m̧aan eo em̧ōjn̄o̧ maron̄ kūr kōj n̄an jutak kōn “Itok, ḷoor eō” [Luk 18:22].
Elōn̄ iaami ekar kam̧oole mennin bwilōn̄ ko, elōn̄ļo̧k jān ami kile. Remaron̄ āinwōt dik ilo keidi n̄an an Jisōs kōjerkak eo emej. Bōtaab wōj eo ejjab kōjenolo̧k juon mennin bwilōn̄, eo wōt me ej itok jān Anij. …
Ewōr iien ko jej kōjatdikdik n̄an juon mennin bwilōn̄ n̄an kemour juon eo ejitōnbōro, n̄an ukōt juon jerbal elej, ak n̄an kōmeraikļo̧k būruōn juon eo ellu ak juon jetōb einepata. Kalimjōk men ko kōn jekjek ko an mour wabanban, jej kōņaan bwe Irooj ej bōk koņaan, n̄an kōm̧m̧ane ta eo ekar rup. Kōn tōmak, mennin bwilōn̄ eo enaaj itok, men̄e ejjab menin aikuj n̄an iien eo ad ak kōn kije in ikdeelel eo ad. …
Irooj ekar kakeememej kōj, “Im iaḷ ko ami re jab iaḷ ko aō” [Aiseia 55:8]. Ej letok, “Koṃwin itok n̄an Ippa, koṃ otemjej rej jerbal im ban, im Inaaj kakkijeik koṃ” [Matu 11:28]—kakkijen jān inepata, rup bōro, mijka, jab pokake, n̄ūrbōktak kōn ro rejitōnbōro, me rejakl ak erup ettōņak ko aer. Aenōm̧m̧an ibwilijin tarpok ak būrom̧ōj ej juon mennin bwilōn̄.