“Kōjatdikdik ilo Kraist,” N̄an Kōkajoorļo̧k Jodikdik ro, Māe 2021.
M̧wen̄an eo an Ālkin Ralep in Jādede
Kōjatdikdik ilo Kraist
Jijdikdik in
Ro jeiū im jatū, ilo iien Ijtō in jej ļōmņak kōn aiboojoj in Jerkakpeje eo an ad Irooj im Rilo̧mo̧o̧r, Jisōs Kraist. Jej keememej kūr in iakwe eo An n̄an “itok n̄an ippa, kom̧ otemjej rej jerbal im ban, im Inaaj kakkijeik kom̧.
‟Kom̧win bōk Aō ine im likūte iaerami, katak Ippa, bwe Ij ineem̧m̧an im ettā būruō, kom̧ naaj lo ami kakkije.
“Bwe Aō ine ej em̧m̧an, im men eo Ij ineke e m̧ōrā” [Matu 11:28–30].
Karuwainene eo an Rilo̧mo̧o̧r n̄an itok n̄an E ej juon karuwainene eo im ejjab wōt n̄an itok n̄an E wōt ak bwe kwon pād ilo Kabun̄ eo An. …
Jisōs ekōņaan bwe jen jeļā ke Anij ej Jemedwōj Ilan̄ eo iakwe.
Ilo ad jeļā bwe Jemedwōj Ilan̄ ej iakwe kōj jeļā wōn kōj im jeļā bwe jej m̧ōttan baam̧le eo An n̄an indeeo. …
… Mekarta, men̄e apan̄ ko ilo mour in, einwōt kar jibbon̄ in Easter eo, rujlo̧k ilo juon mour ekāāl ilo Kraist kōn iien ko rem̧m̧an im kabwilōn̄lōn̄ im mour ekāāl ilo ad oktakļo̧k n̄an Irooj kōn kōjatdrikdik im m̧ōttanļo̧k juon men eaorōk. …
Ij kōnono kōn kōjatdikdik eo ilo Kraist ejjab ļōmņak waan. Ijelo̧kin, ij kōnono kōn kōjatdikdik eo im ej āinwōt men ko im remaron̄ jeļā kaki. Kōjatdikdik rot in eaorōk n̄an eļļā ioon nana ko, lale jetōb ko rem̧m̧an im kōkajoorļo̧k, im jeļā bwe Jemed Indeeo ej iakwe kōj bwe kōj jej ajri ro Nejin, ro rej m̧ōttan ļo̧k wōt baam̧le eo An. …
Jab meļo̧kļo̧k bwe kwoj nejin Anij, Jemed Indeeo, kiō im n̄an indeeo. E ej iakwe eok, im Kabun̄ in ej kōņaan kwe im aikuji kwe. Aaet, kōmij aikuji eok! Jej aikuji ainikiem̧, kapeel ko am̧, jeļā ko am̧, im wāppen ko am̧.