“Jeraam̧m̧an ilo Etan,” N̄an Kōkajoorļo̧k Jodikdik ro, Māe 2021.
M̧wen̄an eo an Priesthood
Jeraam̧m̧an ilo Etan
Jijiddikdik in
Jibadbad eo n̄an ad bōk priesthood eo ej n̄an kōtļo̧k ad kōjeraam̧m̧an armej ro n̄an Irooj, kōm̧m̧ane menin ilo Etan.
Ekar ilo iiō ko ālkin aō kar juon tikōn ke ikar ekkatak ta meļeļe in opiij eo an tikōn ilo kōjerbal. N̄an waanjon̄ak, āinwōt juon pris eutiej, kar kappeik eō n̄an loļo̧k juon kweilo̧k in kwokwoj ilo juon im̧ōn lale rūtto. Kar kajjitōk ippa n̄an leto letak kwojkwoj eo. Ijello̧kin ļōmņak kōn jekjek eo ak jejjet in wāween aō kar leto letak kwojkwoj eo, ijjelo̧kin ikar kalimjōk turin māj ko mejān kajjojo rūtto ro. Ikar lo elōn̄ wōt iaer raar jan̄. Juon leļļap ekar jibwe pein aitok pā eo aō, reitok, im ba ilo eļaaj, “O, kom̧m̧ool, kom̧m̧ool.”
Irooj ekar kōjeraam̧m̧an jerbal in jipan̄ eo aō kar leļo̧k ilo Etan. Raan eo ikar jar kōn kain mennin bwilōn̄ in n̄an an itok ijello̧kin jar kōn ewi em̧m̧an in aō maron̄ kar kōm̧m̧ane ijo kuņaō. Ikar jar bwe armej ro ren en̄jake iakwe eo an Irooj jān jerbal in jipan̄ eo aō em̧m̧an. Ikar ekkatak menin ej kii eo n̄an jerbal im kōjeraam̧m̧an ro jet ilo Etan. …
Ij tōmak bwe jemaron̄ kōļapļo̧k jerbal in jipan̄ eo an priesthood eo ad ilo tōre in mour eo ad im bōlen eļapļo̧k. Enaaj pedped wōt ioon niknik eo ad ilo kajjieon̄ jeļā ankilan Irooj im kijejeto ko ad n̄an ron̄jake Ainikien bwe en em̧m̧anļo̧k ad jeļā ta eo Ekōņaan n̄an armej eo jej jerbal n̄an e ilo Etan. Kōļapļo̧k jab in enaaj itok ilo bun̄tōn ko reddik. Emaron̄ in rūm̧ūj an itok, bōtaab enaaj itok.