“Ruum̧ in Im̧ōn Ruwamāejet,” N̄an Kōkajoorļo̧k Jodikdik ro, Māe 2021.
M̧wen̄an eo an Jibbon̄ in Jādede
Ruum̧ in Im̧ōn Ruwamāejet
Jijiddikdik in
Ilo iien Ijtōn season in, Jisōs Kraist ej karuwainene kōj n̄an erom, āinwōt E, juon Risameria eo em̧m̧an, n̄an kōm̧m̧an bwe Im̧ōn Ruwamāejet eo An (Kabun̄ eo An) juon jikin kone n̄an aolep kinej ko im lan̄ ko an mour. …
Ilo ad itok n̄an ippān Risamaria eo Em̧m̧an n̄an Im̧ōn Ruwaimejet, jej ekkatak ļalem men ko kōn Jisōs Kraist im kōj make.
Juon, jej itok n̄an Im̧ōn Ruwamājet eo āinwōt kōj, kōn m̧ōjņo̧ jiddik ko im jab wānōk ko ewōr ippād kajjojo. Aaet ewōr juon men ippād aolep kar aikuj in jipan̄ leļo̧k. Iaļ eo ad n̄an Anij emakijkij loe ippān doon. …
Ruo, ej akweļap ippād n̄an kōm̧m̧an Im̧ōn Ruwamāejet eo jikin jouj im ļap lowaan, eo kajjojo emaron̄ ippān doon, kōn lōn̄ ruum̧ n̄an aolep. Āinwōt rikaļoor ro an Jisōs Kraist, jej jon̄an wōt juon, kōn ejjeļo̧k rittā ak rutiej. …
Jilu, ilo Im̧ōn Ruwaimejet eo Im̧ōn jej ekkatak kōn weppān ej ilo Jisōs Kraist, jab ilo weppān eo an laļ in. … Ej kajjitōk ippād kajjojo n̄an erom juon Risamaria em̧m̧an, edik ekajet im eļapļo̧k jeorļo̧k ad make bōd im an doon. …
Emān, … Ej bōkļo̧k kōj n̄an im̧weeo Im̧ōn—tampeļ eo ekwojarjar … ijo … Risamaria eo em̧m̧an emaron̄ karreoik im kanuknuk kōj, kōpooj kōj n̄an bar ro̧o̧l n̄an im̧aan mejān Anij, im kobaik kōj indeeo ilo baam̧le eo an Anij. …
Āliktata, ļalem, jej lem̧ōņōņō bwe Anij ej iakwe ajri ro Nejin ilo oktak in bwebwenato in mour ko ad im jekjek ko, ilo aolep laļ ko, bwij, im lo, kōn ruum̧ ilo Im̧ōn Ruwaimejet eo Im̧ōn. …
Risamaria eo Em̧m̧an ej kallim̧ur enaaj bar ro̧o̧ltok. Menin bwilōn̄ ko rej waļo̧k ilo ad kea kōn doon āinwōt E.