“Lōb Ejjeļo̧k An Anjo̧,” N̄an Kōkajoorļo̧k Jodrikdrik ro, Māe 2021.
M̧wen̄an eo an Jibbon̄ in Jabōt
Lōb Ejjeļo̧k An Anjo̧
Jijiddikdik in
Ilo jet iien ilo mour ko ad, jenaaj en̄jake rup bōro ālkin an juon eo jej lukkuun in iakwe ej mej. Jān ajedeed in nan̄inmej eo ipeļaakin laļ in kiiō, elōn̄ iaadwōj rekar luuji ro rejitōn bōro ippāer—emaron̄ ro uwaan baam̧le ak ro jerāer. Jej jar kōn ro rej liajļōļ kōn kain jako in. …
Jemaron̄ pijaiki ilo ļōmņak ko ad wāween an ro jeran Jisōs, ro rekar ļoor E im jerbal in karejar n̄an E,4kar en̄jake ilo aer kar kam̧oole mej eo An. Jejeļā bwe “rekar būrom̧ōj im jan̄ūti” [Mark 16:10]. …
… Ke ekar ratimjuon aō iiō, ikar luuji ļaddik eo jeiū ilo juon m̧akūtkūt in laļ enana. Kōnke ekar waļo̧k menin ilo ejjeļo̧k kōtmāne, n̄an n̄a ekar bōk jidik iien bwe in meļeļe ta eo ekar lukkuun bōk jikin. Ekar rub būruo kōn būrom̧ōj, im ikōn kajjitikin eō make, “Ta eo ekar waļo̧k n̄an ļeo jeiū? Epād ia? Ia eo ekar etal n̄ane? Inaaj ke bar loe e?”. …
Enan̄in 40 iiō tokālik, ilo iien Ijtō, ikar kejōkļo̧kjeņ kōn Jerkakpeje eo an Jisōs Kraist im kar jino ļōmņak kōn ļaddik eo jeiū. …
Raan ņe ikar kile bwe Jetōb eo ekar letok n̄an eō kaenōm̧m̧an ilo juon iien epen. Ikar bōk juon kam̧ool bwe jetōb eo an brother eo aō ejjab mej; ej mour. E ej eddōkļo̧k wōt ilo pād eo an indeeo. Ijeļā kiiō bwe “ļaddik eo [jeiū] enaaj bar jerkak bar juon alen” [Jon 11:23] ilo iien em̧m̧anm̧ōn in n̄e, kōnke Jerkakpeje eo an Jisōs Kraist, kōj aolep naaj jerkakpeje.