“Ta eo Jej Ekkatak im Jej Jāmin Meļo̧kļo̧ke,” N̄an Kōkajoorļo̧k Jodikdik ro, Māe 2021.
M̧wen̄an eo an Priesthood
Ta eo Jej Ekkatak im Jej Jāmin Meļo̧kļo̧ke
Jijiddikdik in
Iien eo ļo̧k jekar kōm̧m̧ane m̧wen̄an eo an priesthood ilo kweilo̧k eo eļap ekar ilo Eprōl 2019. Elōn̄ men rekar waļo̧k ilo iiō ko ruo rej mootļo̧k! …
… Imaron̄ ke kwaļo̧k emen katak ko ij kōtmene jenaaj aolep ekkatak im naaj jamin meļo̧kļo̧ke.
Katak 1: M̧weeo Ej Dilep in Tōmak im Kabun̄jar …
… Kwaļo̧k mo̧ ko ilo aiintok doon enaaj juon iien bōjrak. Ijoke, kallim̧ur eo am̧ n̄an kōm̧m̧an bwe m̧weo im̧ōm̧ en jikin eo eaorōktata an tōmak im ej aikujjabjem̧ļo̧k. …
Katak 2: Jej Aikuji Doon
… Jemaron̄ kōttōbrak ijo eļap ippān doon jān ad kōm̧m̧ane make iaad.10 Karōk in m̧ōņōņō eo an Anij enaaj kalulu eļan̄n̄e ajri ro Nejin renaaj pād wōt ilo aer kōmakeļo̧k er jān doon. …
Eļan̄n̄e kwojeļā juon armej ej make iaan, pukotļo̧k—aaet men̄e kwoj barāinwōt en̄jake am̧ make iaam̧! …
Katak 3: Doulul in Priesthood eo Am̧ Ej Kōm̧m̧an Eļapļo̧k Jān Baj juon Kweilo̧k
… Kweilo̧k ko rej juon m̧ōttan edik an ta eo juon doulul ekar kōm̧m̧an n̄ane im ta eo emaron̄ kōm̧m̧ane.
… Doulul ko rej pād ilo juon jekjek ejenolo̧k n̄an ļōn̄aj aiintok doon an Israel ilo jait ko jim̧or an rōn̄ōl eo.
Katak 4: Jej ron̄jake Jisōs Kraist N̄e Jej Ineem̧m̧an Wōt
… Poktak ilo laļ in enaaj wōnm̧aanļo̧k im ļapļo̧k. N̄an keidi, ainikien Irooj ej … “juon ainikien emera in lur eweeppān, [āinwōt] unoojdikdik, im [kabijļo̧k] em̧ool n̄an lukkuun bōro” [Hilamōn 5:30]. N̄an maron̄ rōn̄ ainikien in emera, kwoj aikuj in ineem̧m̧an wōt! …
Em̧m̧aan ro rejitōn bōro, ebooļ men ko Irooj ekōņaan bwe jen ekkatak jān en̄jake in ad ilo iien ajedeed in nan̄inmej in. Ikar kōļaajrake emān wōt. Ij kajjitōk ippem n̄an kōm̧m̧ane juon am̧ make laajrak, lukkuun ļōmņak kaki, im kwaļo̧k ippān ro kwoj iakwe.