“Bwebwenato ko Raorōk,” N̄an Kōkajoorļo̧k Jodikdik ro, Māe 2021.
M̧wen̄an eo an Jibbon̄ in Jabōt
Bwebwenato ko Raorōk
Jijdikdik in
Kōj jejjab maron̄ kōttar an ajri ro jide im make oktaktok. Oktaktok ilo jide ej jab juon pedped in katak an gospel eo an Jisōs Kraist. Erom̧ āinwōt Rilo̧mo̧o̧r eo ej jāmin bōk jikin ilo jide. Lukkuun kōttōpar ilo iakwe, katakin, im kam̧ool emaron̄ jipan̄ ajri ro jino ilo iiō ko rej dik wōt n̄an en̄jake im̧we eo an Jetōb Kwojarjar. Jetōb Kwojarjar eaorōk n̄an naan in kam̧ool an ajri ro nejid kōn im oktaktok n̄an Jisōs Kraist. …
Ļōmņak kōn aorōk in iien bwebwenato ko an baam̧le kōn gospel eo an Jisōs Kraist, bwebwenato ko raorōk, me emaron̄ karuwaineneik Jetōb eo. N̄e jej bwebwenato rot in ippān ajri ro nejid, jej jipan̄ er ejaake juon pedped, “eo ej pedped em̧ool, pedped eo eļan̄n̄e [rej] ekkal ioon rej jamin bun̄” [].Hilamōn 5:12
Ekōnono kein raorōk im remaron̄ tōl ajri ro n̄an:
-
Meļeļe kōn katak eoan ukweļo̧k.
-
Tōmak ilo Kraist, Nejin Anij eo Emour.
-
Kāālet peptaij im bōk menin letok eo an Jetōb Kwojarjar n̄e ruwalitōk iiō rūtto.
-
N̄an jar im “n̄an etetal jejjet im̧aan Irooj”[Katak im Bujen Ko 68:28]. …
Āinwōt ajri ro rej ekkatak im eddōkļo̧k, tōmak eo aer naaj idajon̄jon̄i. Ak ilo aer kar lukkuun kōppopo, remaron̄ eddōkļo̧k ilo tōmak, peran, im lōke, aaet ilo bwiljin jum̧ae ko reļļap.
Alma ekar katakin kōj n̄an “kōpooj ļōmņak ko [an] ro nejier”Alma 39:16]. Jej kōpooj diktak in epepen eo n̄an erom̧ jet rijojomar tōmak ilju im jekļaj, n̄an meļeļe “bwe [rej] anemkwōj n̄an kōm̧m̧an n̄an [er make]—n̄an kāālet iaļ n̄an mej indeeo ak iaļ n̄an mour indeeo.”2Nipai 10:23]. Ajri ro rej aikuj meļeļe kōn m̧ool in em̧m̧an: mour indeeo ej juon men ebōd n̄an bōd kake.
Bōlen menin aikuj ko ad reļam waan rej bwebwenato ko rem̧m̧an ippān ajri ro nejid n̄an jipan̄ er “m̧ōņōņō ilo naan ko an mour indeeo” kiiō, bwe ren maron̄ lan̄lōn̄ kōn “mour indeeo ilo laļ eo ej itok, em̧ool aiboojoj indeeo” [Moses 6:59; katak eo kobaiktok].