“Jisōs Kraist: Rikāājmour Jetōb eo Ad,” N̄an Kōkajoorļo̧k Jodikdik ro, Māe 2021.
M̧wen̄an eo an Jibbon̄ in Jabōt
Jisōs Kraist: Rikāājmour Jetōb eo Ad
Jijiddikdik in
Ro jeiū im jatū jitōnbōro, ilo jibbon̄ in Ijtō in eaibojooj būruō ej m̧ōņōņō ilo aō keememejļo̧k juon kōm̧m̧an elukkuun kabwilōn̄lōn̄, lukkuun kwojarjar, im jeban maron̄ jon̄e me ekar bōk jikin ilo aolep bwebwenato an armej—katok in pinmuur eo an ad Irooj Jisōs Kraist. …
Kraist ekar jouj ilo an kakūrm̧ool ankilaan Jemān kōn katok eo An eļap im etūriam̧o. E ekar eļļā ioon mej an ānbwin im jetōb, kar kwaļo̧k n̄an laļ in itok jān Wōtļo̧k eo, ej letok n̄an kōj maron̄ aiboojoj n̄an bōk lo̧mo̧o̧r indeeo. …
Kōn pinmuur eo An, Rilo̧mo̧o̧r ekar joļo̧k aolep jekjek ko rejelet mej ilo ānbwin ilo ejjeļo̧k watōk, Ekar jab joļo̧k eddo ko ad kajjojo n̄an ukweļo̧k jān jerawiwi ko reļļap jekar kōm̧m̧ani. …
Ro jeiū im jatū, ij kam̧ool n̄an kom̧ bwe ilo ad m̧ool in ukweļo̧k jān jerawiwi ko ad, jej kōtļo̧k bwe katok in pinmuur eo an Kraist n̄an lukkuun jerbal ilo mour ko ad. …
N̄an kōmeļeļeikļo̧k menin letok in lo̧mo̧o̧r eo, Rilo̧mo̧o̧r ekar letok n̄an kōj deor im kaeņōm̧m̧an ilo ad jelm̧ae kaen̄tanaan ko, kapo ko, im m̧ōjņo ko an mour in, ekoba jekjek ko jej jelm̧aeiki ilo iien in ajedeed nan̄inmej in ekapopo. …
Ilo ad epaakeļo̧k E, ajeļo̧k kōj make ilo jetōb n̄an kōjparok eo An, jenaaj maron̄ bōk iood ine eo An, eo epidodo, im An eddo, eo emera, em̧ool pukot kaenōm̧m̧an im kakkije eo kar kallim̧ur kake. Eļaptata, jenaaj bōk kajoor eo jej aolep aikuji n̄an eļļā ioon men ko reppen, m̧ōjņo, im būromōj ko an mour in, eo me elukkuun pen n̄an jelm̧aiki n̄e ejjab kōn jipan̄ im kajoor eo An.