“Kraist Em̧ōj an Jerkakpeje; Tōmak ilo E Enaaj Kōm̧akūt Toļ ko,” N̄an Kōkajoorļo̧k Jodikdik ro, Māe 2021.
M̧wen̄an eo an Jibbon̄ in Jabōt
Kraist Em̧ōj an Jerkakpeje; Tōmak ilo E Enaaj Kōm̧akūt Toļ ko
Jijiddikdik in
Tōmak ilo Jisōs Kraist ej pedped eo an aolep tōmak im wāween ko n̄an tōpar kajoor eo ekwojarjar. …
Men otemjej rem̧m̧an ilo mour—aolep kōjeraam̧man ko an mour indeeo—rej ijjino kōn tōmak. Kōtļo̧k bwe Anij en anjo̧ ilo mour ko ad ej ijjino kōn tōmak bwe E ej m̧ōņōņō in tōl kōj. …
Ro jeiū im jatū rejitōn bōro, kūr eo aō n̄an kom̧ ilo jibbon̄ in Ijtō in ej n̄an jino rainin n̄an kōļapļo̧k tōmak eo ami. Kōn am̧ tōmak, Jisōs Kraist enaaj kōļapļo̧k maron̄ eo am̧ n̄an kōm̧akūt toļ ko ilo mour eo am̧. …
Toļ ko ami remaron̄ in ajimakeke, pere, nan̄inmej, ak jorrāān ko jet ami make. Toļ ko am̧i renaaj oktak ilo jon̄aer, im aaet uwaak eo n̄an kajjojo apan̄ ko ami ej n̄an kōļapļo̧k tōmak eo ami. …
… Imaron̄ ke lewaj ļalem elmakot ko n̄an jipan̄ kom̧ kōļapļo̧k tōmak im lōke eo ami.
Juon, ekkatak. …
Ruo, kālet n̄an tōmak ilo Jisōs Kraist. …
Jilu, m̧akūtkūt kōn tōmak. …
Emān, bōk koņaami ilo kain̄i ko rekwojarjar ilo erreo. …
Im ļalem, kajjitōk ippān Jemedwōj Ilan̄, ilo etan Jisōs Kraist, kōn jipan̄. …
Tōmak ilo Jisōs Kraist ej kajoor eo eļaptata ej pojak n̄an kōj ilo mour in. Men otemjej remaron̄ kūrm̧ool n̄an er ro rej tōmak [lale Mark 9:23].
Ami eddōkļo̧k ilo tōmak ilo E enaaj kōm̧akūt toļ ko ak anjo̧ jān apan̄ ko—ejjab toļ dekā ko me rej kaiboojoje laļ in ak toļ in būrom̧ōj ilo mour ko ami. Ami tōmak enaaj ebbōl im jipan̄ ukōt apan̄ ko n̄an eddōkļo̧k ko rejjab ettōr jelmen doon im iien ko rem̧m̧an.
Ilo Jabōt in Ijtō in, kōn en̄jake ko aō rem̧wilaļ kōn iakwe im kam̧m̧oolol, ij kwaļo̧k aō kam̧ool bwe Jisōs Kraist, em̧ool, em̧ōj an jerkakpeje. Em̧ōj an jerkakpeje n̄an tōl Kabun̄ in An. Em̧ōj an jerkakpeje n̄an kōjeraam̧m̧an mour ko an aolep ajri ro nejin, jekdo̧o̧n ia eo rej jokwe ie. Kōn tōmak ilo E, jemaron̄ kōm̧akūt toļ ko ak anjo̧ jān apan̄ ko ilo mour ko ad.