“Bōro ko Ren Kuk Ippān Doon,” N̄an Kōkajoorļo̧k Jodikdik ro, Māe 2021.
M̧wen̄an
Bōro ko Ren Kuk Ippān Doon
Jijdikdik in
Ke kar kajjitōk, “Maajta, ewi wōt iaan kien ko reļļap?” Rilo̧mo̧o̧r ekar uwak kwōn, “yokwe am Anij kōn aolepen būruwōm̧.” tokālik, “Kwōn yokwe ri turum̧ im āinwōt kwe”[Matu 22:36–39]. Uwaak eo an Rilo̧mo̧o̧r ej kapenļo̧k eddo in lan̄ eo ad. Rikanaan eo etto eaar kean̄ bwe “en ejjeļo̧k aitwerōk juon ippān bar juon, a bwe [jen] reim̧aanļo̧k kōn juon wōt mej … , kōm̧m̧an bwe [burueer] ren kuk ippān doon ilo bōrokuk im ilo iakwe n̄an doon.”[M]osaia 18:21, katak eo kobaiktok]. …
Kiiō, n̄an likao ro im jiron̄ ro, ilo ami rūttoļo̧k, kōm̧m̧an kōjak kōn ro jet emaron̄ lukkuun in ejaak ilo kauwōtata. Inepata, aer in kōmālij, im jerbal nana rej m̧ōttan jerbal in kakkure. …
Ealikkar, rikapo eo ej kōjerbal menin n̄an kōmetak diktak in epepen eo ami. En ejjeļo̧k jikin menin ilo intōrnet ko komij kōjerbale, peļaak ko ami, jikuuļ ko, doulul ko, ak kūlaaj ko. Jouj im kōm̧m̧ane aolep men ko kwomaron̄e n̄an kōm̧m̧an bwe jikin ko ren joujļo̧k im ineem̧m̧anļo̧k. …
… Ilo am̧ bwebwenato ippān ro jet kōn jouj, kea, im tūriam kake, jekdo̧o̧n ilo intōrnet, ij kallim̧ur bwe kwonaaj kotak pā ko rej etoto im naaj kemour bōro ko.
Kōtļo̧k kajjojo iaad, jekddon jete ad iiō, kajjjieon̄e ijo ad em̧m̧antata.
Ilo am̧ kajjieon̄ in kwaļo̧k am̧ iakwe, kautiej, im jouj, kwonaaj baj wōt metak ak jorrāān wōt jen kōm̧m̧an ko renana an ro jet. Innām ta eo jej kōm̧m̧ane? Jej ļoor kakkōļ eo an Irooj n̄an “yokwe ro rej kōjdate kom̧ … im jar kōn ro rej matōrtōr kom̧” [Luk 6:27–28].
N̄e rikapo eo im apan̄ ko rej waļo̧k n̄an kōj kōn jorrāān, nana, em̧ool jerbal ko rekōmetak, jemaron̄ kālet n̄an kōjatdikdik ilo Kraist. Kōjatdikdik in ej itok jān An karuwainene im kallim̧ur n̄an “kom̧in m̧ōņōņō, bwe Inaaj tōlļo̧k kom̧” [Katak im Bujen Ko 78:18] bwe Enaaj kōkwojarjar en̄taan ko ami n̄an em̧m̧anļo̧k eo ami [lale 2 Nipai 2:2].