“Wanem we Yumi Stap Lanem mo Bae Yumi Neva Fogetem,” Blong Ol Yut Oli Kam Strong Mei 2021.
Prishud Sesen
Wanem we Yumi Stap Lanem mo Bae Yumi Neva Fogetem
Samfala Pat
Las taem we yumi holem wan prishud sesen blong jeneral konfrens, i long Epril 2019. !Fulap samting i bin hapen long ol las tu yia! …
… Bae mi givim fo lesen mi hop yumi evriwan i lanem mo neva fogetem.
Lesen 1: Hom I Senta blong Bilif mo Wosip …
… Rul blong stopem yumi kam kam tugeta long taem naoia, bambae i finis yet. Be, komitmen blong yu blong mekem hom blong yu i fas tabu ples blong fet, i neva mas en. …
Lesen 2: Yumi Nidim Wanwan long Yumi
Yumi save mekem moa i hapen tugeta, bitim we yumi save mekem yumiwan. Plan blong God blong stap hapi, bae i no save hapen sapos ol pikinini blong Hem oli stap olgetawan. …
Sapos yu save eniwan we i stap hemwan, go luk hem—!iven sapos yu tu yu filim se yu stap yuwan! …
Lesen 3: Prishud Kworom blong Yu I blong Mekem Moa bitim blong Jes gat Miting
… Ol miting oli wan smol pat nomo blong stamba tingting blong gat kworom mo wanem hem i save mekem.
… Ol kworom, oli stap long wan posisen we i blong olgeta nomo, blong oli muvum wok blong karem Isrel i kam tugeta i go hariap, hemia long tugeta saed blong vel.
Lesen 4: Yumi Harem Jisas Kraes Moa Gud Taem Yumi Stap Kwaet
… Muvmuv long wol ia, bambae i gohed blong kam antap. Long nara saed, voes blong Lod i no “voes blong wan bigfala nogud noes, … hem i wan kwaet voes we i sofsof stret, olsem se i wan slo toktok, mo i go tru i go kasem sol” [Hileman 5:30]. Blong save harem kwaet smol voes blong Hem, yu tu, !yu mas stap kwaet! …
Ol dia brata blong mi. I gat plante samting we Lod i wantem yumi blong lanem aot long ol eksperiens blong yumi long taem blong wol sik ia. Mi putum fo nomo long lis ia. Mi stap invaetem yufala blong mekem lis blong yufalawan, tingting gud long hem, mo serem wetem olgeta we yu lavem.