“Ol Storian we I Nid blong Gat,” Blong Ol Yut Oli Kam Strong, Mei 2021.
Sandei Moning Sesen
Ol Storian we I Nid blong Gat
Samfala Pat
Yumi no save wet se bae jenis i jes hapen nomo olsem wetem ol pikinini blong yumi. Wok blong gat jenis wanwan taem, i no wan prinsipol blong gospel blong Jisas Kraes. Blong kam olsem Sevya blong yumi, bae i no hapen wanwan taem nomo. Taem yu gat tingting ia blong givim lav, tij, mo testifae, i save helpem ol pikinini blong stat, taem oli yang, blong filim paoa blong Tabu Spirit. Tabu Spirit i impoten blong ol pikinini oli kasem testemoni mo konvet i go long Jisas Kraes. …
Tingting hamas i impoten blong gat ol famli storian abaot gospel blong Jisas Kraes, ol storian we i nid blong gat, we i save stap olsem wan gudfala tul blong invaetem Spirit. Taem yumi gat ol kaen storian olsem wetem ol pikinini blong yumi, yumi helpem olgeta blong krietem wan fandesen, “i wan sua fandesen, wan fandesen we sapos ol man oli bildimap olgeta antap long hem, oli no save foldaon” [Hileman 5:12].
Ol impoten storian ia oli save lidim ol pikinini blong:
-
Oli andastanem doktrin blong fasin blong sakem sin.
-
Oli gat bilif long Kraes, Pikinini blong God ia we i stap laef.
-
Oli jusum baptaes mo presen we i Tabu Spirit taem oli gat eit yia.
-
Oli prea mo “wokbaot long stret laef long fored blong Lod” [Doktrin mo Kavenan 68:28]. …
Taem ol pikinini oli stap lanem samting mo progres, bilif blong olgeta i fesem jalenj. Be, taem oli holem ol stret tul blong faet, oli save groap long bilif, strong paoa long tingting, mo tras long olgetawan, iven long medel blong strong fasin blong agens.
Alma i tijim yumi blong “save mekem rere ol tingting blong ol pikinini” [Alma 39:16]. Yumi stap mekem rere jeneresen ia we i stap kam antap blong oli kam ol fiuja man blong difendem bilif ia, blong oli andastanem se oli “fri blong tekem aksen blong [olgetawan] bakegen—blong jusum rod blong ded we i no gat en, o rod blong laef we i no save finis” [2 Nifae 10:23]. Ol pikinini oli nid blong andastanem bigfala trutok ia: taem we i no save finis, i rong samting, blong stap rong from.
Mi prea se ol simpol storian blong yumi, we i nid blong gat wetem ol pikinini blong yumi bae i helpem olgeta blong “stap glad long ol toktok blong laef we i no save finis” naoia, blong mekem se oli save “stap glad long laef we i no save finis long wol we i stap kam, we i glori ia we man i no save ded” [Moses 6:59].