“Gref I No Save Win,” Blong Ol Yut Oli Kam Strong, Mei 2021.
Sandei Moning Sesen
Gref I No Save Win
Samfala Pat
Be, samtaem long laef, yumi harem nogud tumas afta we wan we yumi lavem tumas i ded. Wetem wol sik we i stap naoia, plante long yumi oli lusum olgeta we oli lavem tumas—ol famli memba o ol fren. Yumi prea from olgeta we oli stap gohed blong harem nogud from ol ded ia. …
Yumi save pikjarem olsem wanem ol fren blong Jisas, we oli bin biaen long Hem mo stap givhan long Hem, oli bin filim taem oli witnesem ded blong Hem. Yumi save se oli “harem sore tumas, mo oli stap krae” [Mak 16:10]. …
… Taem mi gat naen yia, mi lusum bigfala brata blong mi long wan bigfala nogud etkwek. From we mifala i sek long hem, i had blong mi andastanem gud wanem we i bin hapen. Hat blong mi i fulap long harem nogud mo sore, mo mi stap askem miwan, “?Wanem nao i hapen long brata blong mi? ?Wehem hem? ?Hem i go wea? ?Bae mi save luk hem bakegen o no?”…
Kolosap 40 yia afta, long taem blong Ista, mi bin stap tingting hevi long Laef bakegen blong Jisas Kraes, mo stap tingbaot brata blong mi. …
Long dei ia, mi luksave se Spirit i bin givim kamfot long mi long had taem ia. Mi bin risivim wan witnes se spirit blong brata blong mi i no ded; hem i stap laef. Hem i stap muv fored long spirit wol. “Mi save se brata “[blong mi] bae i laef bakegen” [Jon 11:23] long naesfala taem ia, from Laef bakegen long Ded blong Jisas Kraes, we i mekem yumi evriwan bae i laef bakegen.