“Jisas Kraes: Man we I Givim Kea long Sol blong Yumi,” Blong Ol Yut Oli Kam Strong, Mei 2021.
Sandei Moning Sesen
Jisas Kraes: Man we I Givim Kea long Sol blong Yumi
Samfala Pat
Hat blong mi i glad taem i tingbaot aksen ia we i moa naes, i moa hae, we wan i no save makem, we i bin hapen long histri blong man—i sakrifaes ia we i pem praes from yumi, we i kam long Lod blong yumi, Jisas Kraes. …
Wetem gladhat, Kraes i bin mekem tingting blong Papa tru long sakrifaes blong Hem we i no gat en mo i gat sore. Hem i bin winim ded long saed blong spirit mo bodi, we i kam long wol ia tru long Foldaon we i givim glori janis ia long yumi blong kasem fasin blong sevem man we i no save finis. …
Nomata we, tru long sakrifaes blong Hem, Sevya i karemaot risal blong ded blong bodi, Hem i no bin karemaot responsabiliti blong yumiwan blong sakem ol sin we yumi stap mekem. …
Ol dia fren blong mi. Mi testifae long yufala se, taem yumi sakem ol sin blong yumi wetem tru tingting, yumi stap letem sakrifaes blong Kraes, i wok fulwan insaed long laef blong yumi. …
Antap long hae presen ia we i fasin blong sevem man, Sevya i givim spel mo kamfot, taem yumi stap fesem ol hadtaem, ol temtesen, mo ol wiknes blong laef long wol ia, wetem ol situesen we yumi bin gotru long hem long wol sik ia. …
Taem yumi stap go kolosap long Hem, we yumi raonem spirit blong yumi wetem kea blong Hem, bambae yumi save putum yok blong Hem, we i isi mo i no hevi, mo long wei ia, faenem kamfot mo spel we Hem i bin promesem. Moa long hemia, bambae yumi kasem paoa we yumi evriwan i nidim, blong winim ol had samting, ol wiknes, mo ol harem nogud blong laef, we oli had tumas blong gotru long hem sapos yumi no gat help mo hiling paoa blong Hem.