“Stap Difendem Tabu Konstitusen blong Yumi we I Kam tru long Insperesen,” Blong Ol Yut Oli Kam Strong Mei 2021.
Sandei Aftenun Sesen
Stap Difendem Tabu Konstitusen blong Yumi we I Kam tru long Insperesen
Samfala Pat
Long trabol taem ia, mi filim blong tokbaot Konstitusen blong Yunaeted Stet we i kam tru long insperesen. Konstitusen ia, i spesel mo i impoten long ol memba blong yumi long Yunaeted Stet, be tu, hem i wan stamba eksampol blong ol konstitusen raon long wol. …
Bilif blong yumi long wan tabu insperesen, i givim Ol Lata-dei Sent wan spesel responsabiliti blong holemtaet mo difendem Konstitusen blong Yunaeted Stet mo ol prinsipol blong mekem konstitusen long eni ples we yumi stap laef long hem. Yumi mas trastem Lod, mo gat gud maen abaot fiuja blong nesen ia.
?Wanem nao Lod i bin givim oda long Ol Lata-dei Sent blong mekem? Yumi mas prea from Lod blong i soem rod mo i blesem evri nesen mo ol lida blong olgeta. Hemia i pat blong toktok blong bilif blong yumi. Blong stap anda long rul blong ol presiden mo ol man blong rul, yes, i mekem se i no gat samting i agensem ol loa mo polisi blong wanwan. Hem i minim se yumi mas yusum paoa blong yumi olsem gud sitisen mo wetem pis, insaed long ol limit blong konstitusen blong yumi mo ol loa we oli laef i stap. Long saed blong ol poen we yumi no agri fulwan, yumi mas lukaot blong mekem samting i inaf nomo mo mekem man i kam wan.
I gat ol nara diuti we oli pat blong fasin blong respektem Konstitusen ia. Yumi mas lanem mo difendem ol prinsipol blong Konstitusen ia we i kam tru long insperesen. Yumi mas lukaot blong faenem mo sapotem ol waes mo gudfala man mo woman we bambae oli sapotem olgeta prinsipol ia long ol pablik aksen blong olgeta (luk long Doktrin mo Kavenan 98:10). Yumi mas stap ol sitisen we i gat save, we yumi aktiv blong mekem man i filim paoa blong yumi long ol afea blong gavman.