“God long medel blong Yumi,” Blong Ol Yut Oli Kam Strong, Mei 2021
Sandei Moning Sesen
God long medel blong Yumi
Samfala Pat
Taem yumi filim se yumi no impoten, oli sakemaot yumi, mo oli fogetem yumi, yumi lanem se maet bae yumi save se God i no fogetem yumi—be, Hem i givim, long evri pikinini blong Hem, wan samting we tingting i no kasem: blong yumi “joen long Kraes blong kasem haf long ol gudgudfala samting we God i putum olgeta oli tabu” [Rom 8:17]. …
From Jisas Kraes, ol mistek blong yumi oli no blong talemaot huia yumi. Oli save mekem yumi kam gud moa. …
Sapos yumi sakem sin, ol mistek blong yumi oli no mekem yumi no kwalifae. Oli pat blong progres blong yumi. …
Plante taem mi stap askem miwan: ?Bae Jisas i tijim mo mekem wanem sapos Hem i stap long medel blong yumi tedei? …
Sevya i stap tijim oltaem ol trutok we oli yusum oltaem. Oli blong ol pipol we oli gat eni yia, mo eni situesen.
Mesej blong Hem i bin, mo hem i wan mesej blong hop, mo we yumi pat blong wan grup—wan testemoni se, God, Papa blong yumi long Heven, i no lego ol pikinini blong Hem.
!Se God i stap long medel blong Yumi! …
Taem yumi stap folem Jisas Kraes, mo stap wokbaot long rod ia blong stap olsem disaepol, laen folem laen, dei ia bae i kam we bae yumi gat eksperiens ia blong kasem bigfala presen ia blong kasem wan ful glad. …
Mi sendem long yufala, lav mo blesing blong mi, long glad Ista taem ia. Openem hat blong yu long Sevya mo Ridima, i nomata wanem situesen, tes, safaring, o mistek blong yu, bae yu save kam blong save se Hem i stap laef, se Hem i lavem yu, mo from Hem, bambae yu neva stap yuwan.
God i stap long medel blong yumi.