“I No Olsem Pis we Ol Man blong Wol Oli Save Givim,” Blong Ol Yut Oli Kam Strong Mei 2021.
Satedei Aftenun Sesen
I No Olsem Pis we Ol Man blong Wol Oli Save Givim
Samfala Pat
Rabis fasin mo fasin blong raorao bae i stap wan saen long fasin blong ol rilesensip long ol las dei ia. …
Ol brata mo sista. Yumi bin luk plante raorao, kros mo ol toktok we oli no stret raon long yumi. …
… So, long Ista ia, bae yumi traem blong praktisim pis long wan wanwan wei blong yumiwan, yusum sore mo hiling pomad blong Atonmen blong Lod Jisas Kraes long yumiwan mo ol famli blong yumi, mo long olgeta raon long yumi.
… Yumi nidim wanem ol skripja oli singaotem “Ol paoa blong heven,”be blong gat akses long ol paoa ia, yumi mas laef folem wanem ol semmak skripja oli singaotem “ol prinsipol blong stret mo gud fasin [Doktrin mo Ol Kavenan 121:36]. …
… Ol prinsipol blong stret mo gud fasin we i tekem tu ol klin fasin olsem blong save wet longtaem, longfala tingting long ol hadtaem, kaen fasin, mo lav we i tru. Karemaot ol prinsipol ia, nao bae i tru nomo se bae yumi fesem plante fasin blong no agri, mo fasin blong agens. ….
… Tumoro i Ista, wan taem blong ol prinsipol blong stret mo gud fasin blong gospel blong Jisas Kraes mo Atonmen blong Hem blong “pas ova,” —pas ova long ol agens mo raorao, pas ova long fasin blong no gat hop mo sin, mo long en, pas ova long ded.
Nomata long fasin blong tanem baksaed mo sobodi, long medel blong ol nogud tritmen mo fasin we i prapa spolem man, mo semtaem tekem evri hip blong ol sin mo harem nogud blong famli blong man, nao, Pikinini blong God we I Stap Laef i bin lukluk i kamdaon long longfala rod blong laef long wol ia, i luk yumi long wiken ia, mo i talem: “Pis ia we mi livim wetem yufala, pis ia we mi givim long yufala i no olsem pis we ol man long wol oli save givim. Yufala i no letem tingting blong yufala i trabol, yufala i no fraet.” (Jon 14:27 !Yufala i gat wan Ista we i fulap long blesing, glad mo i gat pis!