“!Yu Save Karem Isrel I Kam Tugeta!,” Blong Ol Yut Oli Kam Strong, Mei 2021.
Prishud Sesen
!Yu Save Karem Isrel I Kam Tugeta!
Samfala Pat
Kolosap tri yia i pas, Presiden Russell M. Nelson i bin invaetem evri yut blong Jos Ia blong Jisas Kraes blong Ol Lata-dei Sent blong joenem “yut ami blong Lod blong tekpat long bigfala wok blong wol ia tedei—blong help blong karem Isrel i kam tugeta” long tugeta saed blong vel. Hem i talem: “Kam tugeta ia, i samting we i moa impoten we i stap tekem ples long wol tedei” [“Hope of Israel” (worldwide youth devotional, June 3, 2018), 8, HopeofIsrael.ChurchofJesusChrist.org]. Mi mi agri fulwan se yufala ol yut i save mekem hemia—mo mekem i gud tumas—from se (1) i gat wan samting abaot aedentiti blong yufala (2) wan bigfala paoa we i stap insaed long yufala. …
… Folem buk blong Revelesen, “!nao i gat bigfala faet i stat long heven”! [Revelesen 12:7–8]. Setan i trikim wan kwota blong ol spirit pikinini blong Papa long Heven blong oli letem hem i win, be i no God. !Be i no yufala! Aposol Jon i luk se yufala i bin winim Setan tru long “paoa blong trutok [blong yufala] ya we [yufala i] stap talemaot.”… [Revelesen 12:11].
… Blong save se yu winim Setan tru long toktok blong testemoni blong yu bifo, bae i helpem yu blong lavem, serem mo invaetem man naoia mo blong oltaem—blong invaetem ol narawan blong kam mo luk, kam mo help, mo kam mo stap, taem semmak wo ia blong ol sol blong ol pikinini blong God i stap gohed strong.
Program ia blong Ol Pikinini mo Ol Yut i wan tul blong profet blong mekem i kam antap, paoa long bigfala fet blong yu. … !Taem yufala ol yut i lid—lid—blong stap laef folem gospel, stap kea long ol narawan, invaetem evriwan blong kasem gospel, yunaetem ol famli blong taem we i no save finis mo stap oganaesem ol aktiviti blong gat wan gudtaem, bigfala fet we yu bin gat long Kraes, we yu bin gat long laef bifo laef long wol ia, bae i kamkamaot bakegen mo givim paoa long yufala blong mekem wok blong Hem long laef ia!