“Welkam Mesej,” Blong Ol Yut Oli Kam Strong, Mei 2021.
Satedei Moning Sesen
Welkam Mesej
Samfala Pat
Ol dia brata, mo sista, mo fren raon long wol. Mi talem welkam blong mi long yufala long jeneral konfrens ia. …
Las yia, oli makem plante rekod long buk blong ol rekod. From hemia, wanwan i bin lanem ol samting we hem i no bin save bifo. Sam lesen we mi bin save bifo mi raetem long hat blong mi long sam niu wei we i tijim mi.
Eksampol. Mi save se i tru evriwan, se Lod i stap lidim ol afea blong Jos blong Hem.
Mi andastan moa gud nao wanem Hem i minim taem Hem i talem: “Bambae mi mekem wok blong mi i muv hariap moa long stret taem blong hem”[Doktrin mo Kavenan 88:73]. …
… Long ol yia we i pas, plante long yufala i kam antap bigwan long stadi blong gospel insaed long hom blong yufala. Mi talem tangkyu, mo ol pikinini blong yufala bae oli talem tangkyu. …
Pat blong kam tugeta blong Isrel ia, we i wan impoten pat, i wok ia we Hem i givim long yumi, olsem wan pipol, blong yumi stap klin inaf mo blong yumi wantem help blong mekem wol ia i rere from Seken Kaming blong Lod.
Taem yumi stap lisin long ol mesej we ol lida blong yumi oli rere gud anda long daereksen blong Tabu Spirit, mi stap invaetem yu blong prea blong faenemaot ol olfala doti we yu mas karemaot long laef blong yu blong mekem se yu save kam moa klin inaf.
… Welkam long Jeneral konfrens mo long spesel janis ia blong stap harem voes blong Lod.