“KOVID-19 mo Ol Tempol,” Blong Ol Yut Oli Kam Strong, Mei 2021.
Sandei Aftenun Sesen
KOVID 19 mo Ol Tempol
Samfala Pat
Eli las yia, from KOVID 19 wol sik ia, mo from yumi bin wantem stap ol gud sitisen, yumi bin mekem had desisen ia blong klosem evri tempol, blong sot taem. Long ol manis afta, mifala i filim insperesen blong openem bakegen ol tempol ia sloslo, tru long wan fasin blong lukaotgud. Naoia ol tempol oli stap open folem fofala step, mo yumi folem stret ol rul blong gavman mo rul blong sefti. …
Mifala i talem tangkyu blong save wet longtaem mo ful seves blong yufala long taem ia we i stap jenis mo i gat jalenj. Mi prea se bambae filing blong wantem wosip mo givim seves insaed long tempol bae i strong moa naoia bitim bifo.
Ating yufala i stap askem se wetaem bae yufala i save gobak long tempol. Ansa: tempol blong yu bae i open taem ol rul blong lokol gavman blong yu i letem. …
Taem yumi wet from hemia, kipim ol tempol kavenan mo blesing blong yu i strong long maen mo hat blong yufala. Stap tru long ol kavenan we yu bin mekem.
!Yumi stap bildim naoia, blong fiuja! …
Mifala i wantem tekem haos blong Lod i kam kolosap moa long ol memba blong yumi, blong oli gat tabu janis ia blong stap go long tempol olsem we situesen blong olgeta i letem.
Ol tempol oli wan stamba pat blong Restoresen blong gospel blong Jisas Kraes, we i fulwan. Ol odinens blong tempol oli fulumap laef blong yumi wetem paoa mo mekem yumi kam strong—we i no save kam long wan nara wei. Yumi talem tangkyu long God from ol blesing ia.