“Praevet Wokbaot blong Wan Pikinini blong God,” Blong Ol Yut Oli Kam Strong, Mei 2021.
Satedei Aftenun Sesen
Praevet Wokbaot blong Wan Pikinini blong God
Samfala Pat
Wanwan we i kam long wol ia, i wan boe o gel blong God, we i no gat wan moa i semmak long hem. Wokbaot blong yumiwan, i no bin stat taem yumi bon i kam long wol ia. Bifo yumi bon i kam, yumi bin stap tugeta long wan wol we yumi bin stap rere, wan ples we yumi “bin kasem ol fas lesen blong [yumi] long wol blong ol spirit” [Doktrin mo Kavenan 138:56]. …
Olsem ol kavenan pikinini blong God, yumi lavem, givim ona, fidim, protektem, mo welkamem olgeta spirit ia we oli stap kam long laef bifo laef long wol ia. …
… Presiden Gordon B. Hinckley … i talem: “… Abosen o kilim bebi long bel, i wan devel wok, i no gud mo i wan rabis wok, we i stap swipim wol.”
… Letem yumi serem ol dip filing blong yumi abaot hamas laef i tabu, wetem olgeta we oli mekem desisen long sosaeti. Maet bae oli no save andastanem fulwan wanem yumi stap biliv long hem, be yumi prea se bae oli kam blong andastanem moa, from long yumi, ol desisen ia i bitim wanem we wan i wantem blong laef blong hemwan. ….
Mi testifae se praevet wokbaot blong yumi, olsem wan pikinini blong God, i no bin stat taem we fasfala win i kam insaed long lang blong yu, mo bae i no en taem we yu pulum las win blong yu long laef long wol ia.
Bae oltaem, bae yumi tingbaot se wanwan spirit pikinini blong God i stap kam long wol ia, i folem stret wokbaot blong hemwan. Bae yumi welkamem olgeta, protektem olgeta, mo oltaem lavem olgeta. Taem yufala i tekem mo akseptem ol impoten pikinini ia long nem blong Sevya, mo helpem olgeta long wokbaot blong olgeta we i no save finis, mi promesem yufala se Lod bae i blesem yufala, mo bae i mekem yufala i swim long lav mo glad blong Hem.