“Ol Bisop—Ol Man blong Lukaot long Grup blong Sipsip blong Lod,” Blong Ol Yut Oli Kam Strong, Mei 2021.
Prishud Sesen
Ol Bisop—Ol Man blong Lukaot long Grup blong Sipsip blong Lod
Samfala Pat
Bisop i gat hae mo stamba wok ia blong givim seves olsem wan man blong lukaot long sipsip blong soem, long jeneresen we i stap kam antap wetem olgeta yang singgel adalt, rod ia we i go long Jisas Kraes. …
Maet bae yu askem: “?From wanem bisop i kasem daereksen blong spendem plante taem olsem wetem ol yut?” Lod i bin oganaesem Jos blong Hem blong mekem ol fas wok we i nid blong mekem. Folem hemia, oganaesesen blong Jos blong Hem i gat wan fasin blong wok, we insaed long hem, bisop i gat tufala responsabiliti. Hem i gat doktrin responsabiliti blong lukaot long ful wod, be tu, hem i gat spesifik doktrin responsabiliti ia blong lukaot long kworom blong ol pris. …
Plante long yufala, ol gudfala yang pipol, i no gat wan klia visen long huia yufala, mo huia yufala i save kam. Yet, yufala i stap long mak blong tekem ol desisen we oli moa impoten long laef blong yufala. Plis. Kaonsel wetem tugeta ia, papa mo mama blong yufala, mo bisop blong yufala abaot ol impoten joes we oli stap long fored blong yu. Letem bisop i kam fren mo kaonsela blong yu.
Mifala i save gud se yufala i gat ol tes mo ol temtesen we oli kam long yufala, long evri saed i kam. Yumi evriwan i nid blong sakem sin evri dei, olsem we Presiden Nelson i tijim. Plis. Toktok long bisop blong yu abaot eni mata we wan jeneral jaj i save helpem yu wetem blong putum laef blong yu i stap long oda wetem Lod, blong stap rere from “hae wok” ia we Lod i gat long yufala long las dispensesen ia. Taem we Presiden Nelson i stap invaetem yufala, plis, !mekem yu yu kwalifae blong stap pat blong yut ami blong Lod!