“?Wanem Nao Sevya I Bin Mekem blong Yumi?,” Blong Ol Yut Oli Kam Strong Mei 2021.
Prishud Sesen
?Wanem Nao Sevya I Bin Mekem blong Yumi?
Samfala Pat
?Wanem nao Jisas Kraes i bin mekem blong wanwan long yumi? Hem i bin mekem evri samting we i nid blong wokbaot blong yumi tru long laef ia i go long fiuja ples i olsem we i stap long plan blong Papa blong yumi long Heven. Bae mi tokbaot fofala stamba pat blong plan ia. …
Laef Bakegen long Ded i givim yumi lukluk ia mo paoa blong stap strong tru long ol jalenj blong laef ia yumi wanwan mo olgeta we yumi lavem oli fesem. Hem i givim yumi wan niu wei blong lukluk ol samting olsem bodi, tingting mo filing we i go daon, sam yumi kasem taem yumi bon i kam, mo sam taem yumi go tru long olgeta long taem blong laef blong yumi long wol ia. Hem i givim yumi paoa blong gotru long ol harem nogud, ol taem yumi mestem rod, mo filim kros smol.
Laef Bakegen long Ded i givim tu wan strong tingting blong stap obei long ol komanmen blong God long taem blong laef blong yumi long wol ia. …
Sevya mo Ridima blong yumi i bin go tru wan safaring we man i no save andastanem blong mekem se, Hemwan, Hem i stap olsem wan sakrifaes from ol sin blong evriwan we i wantem sakem sin. Sakrifaes ia i givim wan las gud samting—Smol Sipsip ia we i klin gud mo i no gat mak, from ol rabis fasin blong devel, ol sin blong ful wo. …
… Jisas i tijim yumi plan blong fasin blong sevem man. Plan ia, insaed i gat Kriesen, stamba tingting blong laef, nid blong gat samting i agens, mo presen ia we i fasin blong mekem joes. Mo tu, Hem i tijim yumi ol komanmen mo ol kavenan we yumi mas obei long olgeta, mo ol odinens we yumi mas gat eksperiens long olgeta blong tekem yumi i gobak long papa mo mama long heven. …
Sevya blong yumi i filim mo i save ol temtesen blong yumi, ol hadtaem blong yumi, ol soa blong hat blong yumi, mo ol safaring blong yumi, from we Hem i bin glad blong gotru long olgeta evriwan olsem pat blong Atonmen blong Hem. … Evriwan we i safa eni kaen hadtaem long laef ia i mas tingbaot se Sevya blong yumi i gotru long kaen soa ia tu, mo we, tru long Atonmen blong Hem, Hem i givim wanwan long yumi paoa blong tekem ol samting ia.