“Sa Maliwai Keda na Kalou,” Me iSakisaki ni iTabagone, Me 2021.
Soqoni ena Mataka ni Sigatabu
Sa Maliwai Keda na Kalou
Veitikina
Ni da nanuma ni da sa sega soti ni kauwaitaki, biliraki, ka guilecavi, eda sa vulica ni rawa ni da vakadeitaki ni sega ni sa guilecavi keda na Kalou—ia, ni sa solia tu vei ira na Luvena kece sara e dua na ka e sega ni vakasamataki rawa: ni da rawa ni yaco me “taukena na veika ni Kalou, ka itaukei vata kei Karisito.”2. …
Ena vukui Jisu Karisito, me kakua ni keda ivakatakilakila na noda malumalumu. Era na vakasavasavataki keda. …
Kevaka eda veivutuni, eda na sega ni vakadonui ena cala. Era tiki ni noda toso. …
Au dau vakataroga vakalevu, na cava beka ena vakavuvulitaka ka kitaka ko Jisu kevaka e tiko maliwai keimami voli nikua? …
E dau vakavuvulitaka na iVakabula na veidina sega ni yalani na kena gauna. E baleti ira na tamata ena veitabayabaki kei na ituvaki ni bula kecega.
E itukutuku ni vakanuinui na Nona, ena gauna oya ka vaka tiko kina nikua—e dua na ivakadinadina ni se sega ni laivi ira na Luvena na Kalou na Tamada Vakalomalagi.
Sa maliwai keda na Kalou! …
Ni da segata me da muri Jisu Karisito ka lakova na salatu ni bula vakatisaipeli, laini ena laini, ena yaco mai na siga eda na rawata kina na isolisoli sega ni raitayaloyalotaki rawa oya ni da na ciqoma na reki e taucoko.
Au vakauta yani vei kemuni na noqu iloloma kei na veivakalougatataki ena gauna rekitaki oqo ni Siganimate. Dolava na yalomuni vua na noda iVakabula ka Dauveivueti, se cava ga na ituvaki o tu kina, vakatovolei, rarawa, se caka cala, e rawa ni o kila ni bula tiko o Koya, ni lomani iko, ia ena Vukuna, ena sega sara ni rawa ni o tu duadua.
Sa Maliwai keda na Kalou