“Na Cava na Vuna Me Salatu kina na Veiyalayalati,” Me iSakisaki ni iTabagone, Me 2021.
Soqoni
Na Cava na Vuna Me Salatu Kina ni Veiyalayalati
Veitikina
Na cava na salatu ni veiyalayalati? Sai koya na salatu duadua ga e mua ki na matanitu vakasilesitieli ni Kalou. Eda sa tekivu lakova na salatu ena matamata ni papitaiso. …
Eso era rairai kaya, “Au rawa ni digidigi dodonu keu papitaiso se sega; au sega ni gadreva na veiyalayalati meu dua kina e dokai ka bula rawati au.” … Sa qai cava beka, na duidui ni salatu ni veiyalayalati?
Na ka dina, na duidui e duatani sara ka tawamudu. …
Na imatai sai koya na ituvaki ni noda talairawarawa vua na Kalou. Sega walega ni da sa loma vinaka kina, eda sa yalodina vakalou meda bulataka na vosa yadua sa lako mai na gusu ni Kalou. Ena veika oqo, eda muria na ivakaraitaki nei Jisu Karisito?
Na ikarua ni ituvaki cecere ni salatu ni veiyalayalati sai koya na noda veimaliwai kei na Kalou. Na veiyalayalati sa solia mai na Kalou kivei ira na Luvena ena sega walega ni dusimaki keda kina. Era sa vauci keda Vua. …
Oqo e veimuataki meda nanuma tiko na ikatolu ni kalougata ni salatu ni veiyalayalati. Sa vakarautaka na Kalou e dua na isolisoli tawa vakamacalataki rawa mera vukei kina na cakava na veiyalayalati mera dau maroroya na veiyalayalati: na isolisoli ni Yalo Tabu.
iKava, o ira era sasagataka tiko na salatu ni veiyalayalati era kunea talega e dua na veivakalougatataki ena veisoqoni lesi vakalou [me vakataka na soqoni ni sakaramede kei na sokalou e valetabu]. …
Na kena itini, na kena sasagataki ga na salatu ni veiyalayalati eda sa taukena kina na veivakalougatataki i Eparama, Aisake, kei Jekope, na veivakalougatataki cecere ni veivakabulai kei na bula vakacerei e solia duadua ga na Kalou. …
Meda sa rogoca na kaci ni parofita meda tiko ga ena salatu ni veiyalayalati.