“E Rawa ni o Vakasoqoni Isireli!,” Me iSakisaki ni iTabagone, Me 2021.
Soqoni ni Matabete
E Rawa ni o Vakasoqoni Isireli!
Veitikina
Ena voleka ni tolu na yabaki sa oti, a sureti ira kece na itabagone e Na Lotu i Jisu Karisito ni Yalododonu Edaidai o Peresitedi Russell M. Nelson me ra mai curu ki na “mataivalu ni Turaga ni itabagone me ra vakasokumuni Isireli” ena yasa ruarua ni ilati . A kaya o koya, “Na vakasoqoni vata oya sa ka bibi duadua e yaco tiko e vuravura nikua” [“Hope of Israel” (lotu ni itabagone e vuravura raraba, 3 ni June, 2018), 8, HopeofIsrael.ChurchofJesusChrist.org]. Au kila deivaki tu ni kemuni na itabagone e rawa ni o ni cakava na veika oqo—ka cakava vakavinaka sara—baleta e (1) dua na ka ena kemuni ivakatakilakila kei na (2) kaukauwa levu e tiko vei kemuni. …
Me vaka na ivola ni Ai Vakatakila, “sa tubu nai valu mai lomalagi”! [Ai Vakatakila 12:7–8]. A lasutaki ira ena ilawaki e dua na ikatolu ni luvena vakayalo na Tamada Vakalomalagi o Setani me ra vakatara me qaqa o koya ka sega na Kalou. Ia e sega ni o iko! Sa raica oti na iApositolo o Joni ni o uabaleti Setani e “na vuku ni vosa [ko] sa tusanaka.” [Ai Vakatakila 12:11].
… Nomu kila ni o a vorati Setani e na vosa ni nomu ivakadinadina e na gauna taumada ena vukei iko mo loloma, wasea, ka veisureti nikua kei na veigauna kece—mo sureti ira na tani mera lako mai ka raica, lako mai ka veivuke, ka lako mai ka vaka-itaukenitaki, ni sa ravuravu tikoga na ivalu vata ga baleta na yalodra na luve ni Kalou.
Na parokaramu ni Gonelalai kei na iTabagone sa dua na iyaya ni cakacaka vakaparofita me vukei kemuni na itabagone me vakaukauwataka na nomuni vakabauta. … Ni o ni veiliutaki na itabagone—liu—ena bulataki tiko ni kosipeli, kauwaitaki ira tale eso, sureti ira kece me ciqoma na kosipeli, vakaduavatataka na matavuvale me tawamudu, ka tuvalaka na itaviqaravi lasa, na vakabauta cecere vei Karisito a tu vei iko ena bula taumada ena lako tale mai ka vakaukauwataki iko mo vakayacora na cakacaka ni Turaga ena bula oqo!