“Semati na Lomada,” Me iSakisaki ni iTabagone, Me 2021.
Soqoni
Semati Na Lomada
Veitikina
Ni tarogi, “Vakavuvuli, a cava na ivakaro levu ena vunau?” a sauma na iVakabula me da “lomani Jiova na nomu Kalou ena lomamu taucoko,” qai muria mai “Mo lomana na kai nomu me vaka ko lomani iko.” [Maciu 22:36-39]. Na isaunitaro ni iVakabula e vakadeitaka na noda itavi vakalomalagi. A vakarota e dua na parofita ni gauna makawa me da “kakua ni veileti vakai[keda], ia me [da] vakanamata ki liu … me semati na lomada ena duavata kei na veilomani vakataki [keda].”5
Ia oqo, me baleti kemuni na cauravou kei na goneyalewa, ni o sa qase cake mai, na vakalialiai ira na tani e rawa ni tubucake ki na ka vakarerevaki sara. Na nuiqawaqawa, na lomaocaoca, kei na veika ca sara e dau vakavuqa me itokani ni veivaqaseni.
E matata, ni sa vakayagataka tiko oqo na vunica me vakararawataka na nomu itabatamata. E sa sega ni dua na vanua me baleta oqo ena nomu vanua vakatekinoloji, yasa ni koro, koronivuli, kuoramu, kei na kalasi. Yalovinaka cakava na ka kece o rawata me vinaka ka taqomaki cake kina na veivanua oqo.
… Ni o dolele yani ena lomavinaka, veimaroroi, kei na yalololoma, vakatekinoloji mada ga, au yalataka ni o na laveta cake na liga sa wadamele ka vakabula na yalo.
Me da segata yadua, se vakacava noda yabaki, me da vinaka duadua.
Kevaka mada ga ni o segata mo dolele yani ena loloma, vakarokoroko, kei na lomavinaka, e sega ni vakataratutu ni ko na rarawa se vakacacani mai na nodra digidigi ca na tani. Na cava beka me da qai cakava? Eda muria na veivunauci ni Turaga me da “lomani ira na kemu meca … ka masulaki ira sa vakalialiai iko” [12].
Ni kauta mai vei keda na dredre kei na veivakalolomataki na ivalavala veivakalewai, veisaqasaqa, ka yalo-ca sara mada ga, eda rawa ni digitaka me da vakanuinui vei Karisito. Na inuinui oqo e lako mai na Nona veisureti kei na yalayala me da “marau ga, ni’u na liutaki [kemuni] tiko” [[Vunau kei na Veiyalayalati 78:18] ka na vakatabuya o Koya na nomuni rarawa mo ni rawata kina na vinaka[raica na 2 Nifai 2:2].