“COVID-19 kei na Valetabu,” Me iSakisaki ni iTabagone, Me 2021.
Soqoni ena Yakavi ni Sigatabu
COVID-19 kei na Valetabu
Veitikina
Tekivu na yabaki sa oti, ena vuku ni mate na COVID-19 kei na noda gagadre meda lewei vuravura vinaka, a dredre sara na lewa me sogo toka vakawawa na valetabu kece. Ena veivula a tarava, keimami vakila na veivakauqeti mera sa dola tale vakamalua na valetabu ena kena qarauni vinaka. Era sa dola tale tiko na valetabu ena va na iwasewase, ka muria tiko vakadodonu na lawa ni matanitu kei na ivakarau ni veitaqomaki. …
Keimami sa vakavinavinaka ena nomuni vosota kei na veiqaravi yalodina ena gauna ni veisau kei na ibolebole oqo. Sa noqu masu ni nomuni gagadre mo sokalou ka veiqaravi e valetabu mena caudre ka ramase sara vakalevu.
Ia, o na rairai vakasamataka tiko na gauna cava beka o na lesu kina ki valetabu. Kena isau: Na nomuni valetabu ena dola ni sa vakatara vakalawa na nomuni matanitu me dola. …
Ia, mo ni maroroya tiko na nomuni veiyalayalati kei na kalougata ni valetabu vakabibi ena vakasama kei na yalomuni. Mo dina tiko ki na veiyalayalati o ni sa cakava.
Eda sa tara valetabu tiko oqo ki na veisiga ni mataka! …
Eda gadreva me kau mai vakavoleka na vale ni Turaga kivei ira noda lewenilotu, me ra rawata nodra madigi vakalou mera dau tiko wasoma e valetabu ni sa rawa vei ira. …
Na cakacaka ni valetabu sa tiki cecere ka bibi ni Vakalesui mai ni kosipeli i Jisu Karisito ena kena taucoko. Na cakacaka vakalotu ni valetabu e vakasinaita noda bula ena kaukauwa kei na qaqaco—sega ena dua tale na sala. Eda sa vakavinavinakataka na Kalou ena veivakalougatataki oqo.