“Na Nona iLakolako e Dua na Luve ni Kalou,” Me iSakisaki ni iTabagone, Me 2021.
Soqoni ena Yakavi ni Vakarauwai
Na Nona iLakolako e Dua na Luve ni Kalou
Veitikina
Na tamata yadua e lako mai ki vuravura e luvena tagane se luvena yalewa duatani na Kalou. Na noda dui lakolako yadua a sega ni qai tekivu ena sucu. Ni se bera ni da sucu, eda a tiko vata ena dua na vuravura ni vakavakarau na vanua eda a “ciqoma kina na imatai ni [noda] lesoni ena vuravura ni yalo.” [Vunau kei na Veiyalayalati 138:56]. …
Ni da gone ni veiyalayalati ni Kalou, eda lomana, rokova, susuga, taqomaka, ka kidavaki ira na yalo oqori era lako mai na vuravura ni bula taumada. ….
… O Peresitedi Gordon B. Hinckley … e kaya: “…Na vakalutu e dua na ka ca … ka sa roboti vuravura tiko.”
… Me da wasea na noda nanuma titobu me baleta na bibi ni bula vata kei ira era dau vakatau lewa ena veitikotiko. Era na sega beka ni taleitaka sara na veika eda vakabauta, ia eda masuta ni ra na kila vakataucoko na vuna, vei keda, era uabaleta kina na veilewa oqo na veika sara ga e vinakata e dua na tamata me baleta na nona bula.
Au vakadinadinataka ni a sega ni tekivu na nomu ilakolako vakaluve ni Kalou ena gauna e curuma kina na nomu yatevuso na imatai ni cagi o ceguva ka na sega ni mai tini ena iotioti ni nomu icegu ena bula oqo.
Me da dau nanuma tiko ni luvena vakayalo yadua na Kalou era lako mai ki vuravura ena nodra dui lakolako yadudua. Me da kidavaki ira, taqomaki ira, ka dau lomani ira tikoga. Ni o ciqomi ira na gone vakamareqeti oqo ena yacana na iVakabula ka vukei ira ena nodra ilakolako tawamudu, au yalataka vei iko ni na vakalougatataki iko na Turaga ka na vakamiraka mai na Nona loloma kei na veivakadonui vei iko.