“Veitalanoa Bibi me Vakayacori,” Me iSakisaki ni iTabagone, Me 2021.
Soqoni ena Mataka ni Sigatabu
Veitalanoa Bibi Me Vakayacori
Veitikina
Eda sega ni rawa ni waraka me yaco vakataki koya na saumaki vei ira na luveda. Na saumaki e dau tubukoso e sega ni ivakavuvuli ni kosipeli i Jisu Karisito. Na noda na vakataka na iVakabula e sega ni mai yaco wale tu ga. Na noda gumatua ena loloma, veivakavulici, kei na vakadinadina tiko ena vukea na nodra tekivu na gone ena yabaki ni lalai me ra vakila na veivakauqeti ni Yalo Tabu. Sa ka bibi na Yalo Tabu ki na nodra ivakadinadina na luveda me baleta kei na saumaki vei Jisu Karisito. …
Vakasamataka na yaga ni veitalanoa vakavuvale me baleta na kosipeli i Jisu Karisito, ka na rawa ni veitalanoa bibi me sureti kina na Yalo. Ni dau yaco na veitalanoa vakaoqo vata kei ira na luveda, eda sa vukei ira me ra taracake na nodra yavu, “ia sa ikoya na yavu dei, ia kevaka sa taracake na tamata na yavu oqo, ena sega sara ni bale rawa” [Ilamani 5:12].
Na veitalanoa bibi vakaoqo e rawa ni muataki ira na gone me ra:
-
Kila vakavinaka na ivunau ni veivutuni.
-
Vakabauti Karisito, na Luve ni Kalou bula.
-
Digitaka na papitaiso kei na isolisoli ni Yalo Tabu ni sa yacova na yabaki walu.
-
Ka masu ka “lako vakadodonu ena mata ni Turaga”[Vunau kei na Veiyalayalati 68:28]. …
Ni ra vuli na gone ka tubu cake, ena vakatovolei na nodra kila ka. Ia ni ra vakaiyaragitaki donu, era na tubucake ena vakabauta, yaloqaqa, kei na lomadei, se mani vakacava na kaukauwa ni meca.
Vakatavulica o Alama me da “Vakarautaka na nodra vakasama na luve ni tamata.” [Alama 39:12]. Eda sa vakarautaki ira tiko na itabagone era tubucake tiko mai me ra dau tutaka na dina ena veisiga ni mataka, ka kilamatata tiko “Mo dou nanuma ni dou sa galala mo dou sa lewa ga vakai kemudou na ka mo dou cakava—mo dou digitaka na sala ni mate tawavakaiyalayala se na sala ni bula” [2 Nifai 10:23]. E dodonu me ra kila na gone na dina bibi oqo: na bula tawamudu e dua na ka mo kua sara ni cala kina.
Na noda veitalanoa bibi ka matata kei ira na luveda e na vukei ira me ra na “marautaka na vosa ni bula tawamudu” ena vuravura oqo, ka me ra na marautaka “na bula tawamudu ena vuravura sa bera mai, io na lagilagi tawa mate rawa” [Mosese 6: 59; vakaikuritaki].