“Au Taleitaka meu Raica na Valetabu,” Me iSakisaki ni iTabagone, Me 2021.
Soqoni ena Mataka ni Vakarauwai
Au Taleitaka meu Raica na Valetabu
Veitikina
Valetabu e Durban Sauca Aferika
Au kila ni valetabu ni Turaga era vanua tabu. Sa noqu inaki nikua ena noqu vosa baleta na valetabu meu vakatubura na nomuni gagadre kei na noqu me da bula kilikili ka tu vakarau ki na madigi vakalevutaki ni veika e sotavi ni valetabu ka na lako tiko mai vei keda. …
Kevaka e daru lako ki na valetabu ka sega ni savasava veirauti, e daru na sega ni rawa ni raica, ena kaukauwa ni Yalo Tabu, na ivakavuvuli vakayalo baleta na iVakabula ka rawa ni da ciqoma ena valetabu.
Ni da sa bula kilikili me ciqoma na ivakavuvuli oya, sa qai rawa eke a ni da vakatubura mai na noda ka sotavi ni valetabu na inuinui, reki, kei na nuidei e noda bula kece. Na inuinui, reki, kei na nuidei oya e rawa ga mai na ciqomi ni cakacaka vakalotu e vakayacori ena valetabu savasava. Ena loma ni valetabu sa rawa kina meda ciqoma na veivakadeitaki ni isema lomani ni matavuvale ka na tomani tiko ni oti na mate ka na tu ga me tawamudu.
… Ia eda sa kila ni noda marau tawamudu e vakatau ki na noda cakava na noda vinaka duadua meda solia na marau tudei vata ga vei ira na kena levu ni wekada eda rawata.
Au vakila na gagadre vata ga meu gumatua ni sureti ira na lewe ni matavuvale ka ra bula tiko me ra vinakata me ra bula kilikili me ra ciqoma ka doka na cakacaka vakalotu ni veivauci ena valetabu. Oya e sa tiki ni nodra vakasoqoni yalataki na Isireli ena iotioti ni veisiga ena yasa ruarua ni ilati.