“Sega ni Vaka e Solia ko Vuravura,” Me iSakisaki ni iTabagone, Me 2021.
Soqoni ena Yakavi ni Vakarauwai
Sega ni vaka e Solia ko Vuravura
Veitikina
Na ivalavala kaukauwa kei na veisaqasaqa ena dua na ivalavala ni bula ena isema vakaveiwekani ena iotioti ni gauna. …
Kemuni na taciqu kei na ganequ, eda sa raica tu na levu ni veisaqasaqa, cudru, kei na sega ni veirokorokovi ka kunei raraba ena keda maliwa.
… Ena Siga ni Mate oqo meda tovolea meda vakatovotovotaka na veisaututaki vakaikeda, ena wasei ni loloma kei na ilumu veivakabulai ni Veisorovaki ni Turaga ko Jisu Karisito vei keda kei na noda matavuvale kei ira kece na tiko vakavolivoliti keda.
… Eda gadreva na ka e vakatoka na ivolanikalou me “kaukauwa vakalomalagi,” ia me da rawata na kaukauwa oqo e dodonu meda bulataka ena ka e vakatoka na ivolanikalou vata ga oya me “ivakavuvuli ni buladodonu” [Vunau kei na Veiyalayalati 121:36]. …
… Na ivakavuvuli ni buladodonu e oka kina na ivalavala dodonu vakaoqo me vaka na vosota, na vosota vakadede, yalomalua, kei na loloma e sega ni veivakaisini. Ni yali eso na ivakavuvuli oqori, e sa na sega ni cala na noda sotava na veicalati kei na veicacati.
… Ni mataka na Siga ni Mate, na gauna ena vakavuna kina na ivakavuvuli dodonu ni kosipeli i Jisu Karisito kei na Nona Veisorovaki me “lako sivia”—lako sivia na veisaqasaqa kei na veileti, na vakanuinui matewale kei na caka cala, kei na kena iotioti ko mate.
Se mani vakacava na cakitaki kei na mosi, na vakacacani kei na vakararawataki, ni colata tu na bibi ni ivalavala ca kece ni kai vuravura, na Luve ni Kalou Bula a raica sobu mai na sala balavu ni bula vakayago, raici keda, ka kaya: “Au sa laiva vei kemudou na vakacegu, au sa solia vei kemudou na noqu vakacegu: au sa sega ni solia vei kemudou me vaka sa solia o vuravura. Me kakua ni rarawa na yalomudou se rere.” [Joni 14:27]. Me nomuni na kalougata, marau kei na vakacegu ni Siganimate.