“Sa Sega kina na Kaukauwa ni iBulubulu,” Me iSakisaki ni iTabagone, Me 2021.
Soqoni ena Mataka ni Sigatabu
Sa Sega Kina Na Kaukauwa ni iBulubulu
Veitikina
Ia, e tiko e so na gauna ena noda bula, eda na vakila na vutugu ni mai takali e dua e da lomana vakavoleka. Ena gauna oqo ni ravuti vuravura tu na matedewa, e vuqa vei keda e sa takali kina o ira eda lomana vakavoleka—mai na noda vuvale se itokani. Eda masulaki ira era lolosi tu mai na mate vakaoqo. …
E rawa meda vakananuma na veika era a vakila na itokani nei Jisu, o ira era dau muria ka dau qaravi Koya, ena nodra vakadinadinataka na Nona mate. Eda kila ni ra a “rarawa ka tagiyaso” [Marika 16:10]. …
… Niu yabaki ciwa, a mate na ganequ qase ena dua na uneune vakarerevaki. Baleta ni yaco vakasauri, a taura e dua na gauna meu qai kila vinaka na dina ni veika a yaco. Sa kavoro na yaloqu ena rarawa, kau qai taroga , “Na cava a yaco vei ganequ? Ivei o koya?” E lako ivei? Ena rawa li meu raici koya tale?”
Rauta ni oti e 40 na yabaki, ena gauna ni Siganimate, au a vakananuma tiko na nona Tucaketale o Jisu Karisito ka tekivu meu vakasamataki ganequ. …
Na siga oya, au liaca saraga ni na Yalotabu a vakalomavinakataki au ena dua na gauna dredre. Au ciqoma e dua na ivakadinadina ni na yaloi ganequ e sega ni mate; e bula tiko o koya. E gugumatua tiko o koya ena nona bula vaka tawamudu. Au kila ni na tucake tale na ganequ” [Joni 11:23] ena gauna vakasakiti oya, baleta ni sa Tucaketale o Jisu Karisito, eda na tucake kece tale.