“Veika Tawadodonu Veivakacudrui,” Me iSakisaki ni iTabagone, Me 2021.
Soqoni ena Yakavi ni Vakarauwai
Veika Tawadodonu Veivakacudrui
Veitikina
Na tawadodonu e rawa ni veicalati kei na dina ni Tamada Vakalomalagi dauloloma ka yalovinaka. Ia o Koya e sa ka dina, o Koya e dauveikauwaitaki, ka lomani ira yadua na Luvena vakataucoko sara. …
Eso na veika tawadodonu e sega ni rawa ni vakamacalataki; ia na veika tawadodonu e sega na kena ivakamacala e dau veivakacudrui. … Na bula oqo e dau tawadodonu vakaidina. …
… Au cavuta mai vuniyaloqu taucoko ni o Jisu Karisito e kila vakavinaka ruarua na veika sega ni dodonu ka tu vua na kaukauwa me vakarautaka e dua na iwali. … O Koya e kila vinaka sara na veika eda sotava tiko. …
… Ena veigauna tawamudu, na Tamada Vakalomalagi kei Jisu Karisito erau na walia na veika tawadodonu kecega. Eda vinakata vakamatata me da kila na ivakarau kei na gauna cava Naivakarau cava e Rau na cakava kina oqori? Gauna cava e Rau na cakava kina? Ena veika au kila, Erau se bera ni vakatakila na kena ivakarau se na kena na gauna. Na ka ga au kila ni Rau na kitaka vakakina. …
E rawa ni da tovolea me da tarova toka mada noda taro me baleta na ivakarau kei na kena gauna me qai tarogi malua ka da vakanamata mada ena noda tara cake na vakabauti Jisu Karisito. …
Ni da taracake noda vakabauti Jisu Karisito, e dodonu talega meda sasagataka meda vakataki Koya. Me da qai torovi ira yani na tani ena yalololoma ka tovolea me ra vakaraitaka na veika sega ni dodonu ena veivanua eda kunea kina. …
Kakua ni laiva na ka tawadodonu me vakayalokaukauwataki iko se vakayavuya na nomu vakabauta na Kalou. Ia, mo kere veivuke ga vua na Kalou. Toroya cake na nomu vakavinavinaka kei na nomu vakararavi vua na iVakabula.
… Na nomu vakabauta na Tamada Vakalomalagi kei Jisu Karisito ena saumi lesu vakalevu cake sara mai na veika o rawa ni vakasamataka. Na veika tawadodonu kecega—vakabibi na ka tawadodonu veivakacudrui—ena vakatabui me baleta na nomu rawa ka.