“Na Veika Eda Sa Vulica tiko ka Da na Sega ni Guilecava,” Me iSakisaki ni iTabagone, Me 2021.
Soqoni ni Matabete
Na Veika Eda Sa Vulica tiko ka Da na Sega ni Guilecava
Veitikina
Na iotioti ni gauna a vakayacori kina e dua na soqoni ni Matabete ena koniferedi raraba o ya ena Epereli 2019. E levu sara na ka sa yaco ena rua na yabaki eda sa vakanadakuya! …
… Meu vakatura mada e va na lesoni au nuitaka ni da sa vulica taucoko ka na sega vakadua ni guilecava.
Lesoni 1: Na iTikotiko E Vanua ni Vakabauta kei na Sokalou …
… Na yalani tiko oqo ni noda vakasoqoni vata ena tini mai. Ia na nomu sasaga me vakayacori na nomu itikotiko me nomu vanua taumada ni vakabauta me nakakua sarani tini. …
Lesoni 2: E Gadrevi Meda Cakacaka Vata Vakai Keda
Eda rawa ni rawata e levu sara na ka ni da cakacaka vata mai na noda cakacaka taudua tu ga.10 Na ituvatuva ni marau ni Kalou ena vakataotaki kevaka era duitutu tu na luvena.
Kevaka o kila edua e tu taudua tu, dolele yani vua—e dina ni o vakila ni o galili tale tu ga!
Lesoni 3: Na Nomu Kuoramu ni Matabete e Tiko na Kena iNaki Levu Sara mai na Soqonivata
Na soqonivata e dua na tiki lailai sara ni cava e inaki se cava e rawa ni cakava e dua na kuoramu.
Na vei kuoramu e tiko ena dua na itutu matalia me vakatotolotaki kina na vakasokumuni Isireli ena yasa ruarua ni ilati.
Lesoni 4: Eda Rogoci Jisu Karisito Vakavinaka Cake Ni Da Vakanomodi
Na tiko yavavala e vuravura ena tubu tikoga me levu. Me kena veibasai, na domo ni Turaga e … “na domo rogo lailai sara ni malumu, [me vaka] e dua na vakasolokakana, ka sa [laubasikata] sara mada ga na yalodra; [Ilamani 5:30]. Me rawa vei iko mo rogoca na domo lailai oqo, e dodonu vei iko mo na vakanomodi!15
Oi kemuni na taciqu lomani, e vuqa na ka e vinakata vei keda na Turaga meda vulica mai na veika eda sotava ena gauna ni mate dewa oqo. Au sa cavuta rawa e va walega. Au sureti kemuni mo ni cakava na nomuni lisi vakataki kemuni, vakasamataka vakavinaka, ka wasea vei ira o daulomana.