“Na iVakavuvuli ni Noqu Kosipeli,” Me iSakisaki ni iTabagone, Me 2021.
Soqoni ena Yakavi ni Sigatabu
Na iVakavuvuli ni Noqu Kosipeli (Vunau kei na Veiyalayalati 42:12)
Veitikina
iYaloyalo mai na Getty Images
Na ivakavuvuli ni kosipeli e idusidusi yavutaki e na vunau ni vakayagataki vakasavasava na galala ni digidigi. Na ivakavuvuli yavutaki mai na veidina ni kosipeli raraba ka dusimaka na sala kei na ivakatagedegede ena noda gu ki liu ena salatu ni veiyalayalati.
Na vulici, kila, kei na bulataki ni ivakavuvuli ni kosipeli e vakaukauwataka na noda vakabauta na iVakabula, vakatitobutaka na noda yalodina Vua, ka sureta na veivakalougatataki kei na isolisoli vakalou ena noda bula. Na ivakavuvuli ni bula savasava e vukei keda talega meda rai sivita na noda nanamaki yadua kei na noda gagadre ni vakarautaki na rai vakamareqeti ni dina tawamudu ena noda lako curuma na veituvaki duidui, ibolebole, vakatulewa kei na veika sotavi ena bula vakayago.
Na gauna sa tauri vakavesu tu o Josefa Simici e Valeniveivesu e Lipati, a vola o koya na ivola ni vakaro vei ira na lewe ni Lotu kei na iliuliu ka vakananuma vei ira “ni sa rawa ni vagolei e dua na waqa levu, ena dua ga na uli lailai ena gauna ni cava, io me vagolei yani me saqata na cagi kei na biau lelevu.” [Vunau kei na Veiyalayalati 123:16]
Nai “iuli” e dua na iuli se na kena vei gacagaca e vakayagataki me muataki kina na waqa se boto. Ka “me vagolei yani me saqata na cagi kei na biau lelevu” e ivakaraitaki ni muataki ni waqa me taura tiko na kena dodonu ka sega ni tavuki e gauni ni dua na cava.
Na ivakavuvuli vakosipeli sa baleti iko kei au me vakaga na uli ki na waqa. iVakavuvuli dodonu ena vakatarai keda meda kunea na noda sala ka tudei, yalodei, ka sega ni yavalati rawa meda kakua ni vakayalia na tautauvata ka lutu ena cava ni butobuto kei na veilecayaki edaidai.