“Manana tantara avokoa isika tsirairay,” Ho zatovo mahery! mey 2022.
Fivoriana sabotsy tolakandro
Manana tantara avokoa isika tsirairay
Sombin-dahatsoratra
Manana tantara avokoa isika tsirairay ry namana, rahalahy sy anabavy. Rehefa mahafantatra ny tantarantsika isika dia lasa mifandray sy miombona ary tonga amin’ny tokony hahatongavana. …
Fantatrao ve ny tantaranao? …
… Ampifandraiso amin’ireo anarana 10 lavitrisa azo karohina ao amin’ny raki-piraketana an-jotra ao amin’ny FamilySearch ankehitriny ireo anaran’ny fianakavianao tao anatin’ny fahatsiarovanao, sy amin’ireo olona 1,3 lavitrisa ao amin’ny rafi-tetiarana. …
… Manome voninahitra ireo razambentsika isika rehefa manokatra ny lanitra amin’ny alalan’ny asa atao any amin’ny tempoly sy ny tantaram-pianakaviana ary rehefa lasa masom-by matanjaka eo amin’ilay rojon’ireo taranatsika mifandimby. …
Afaka manova ny fiainantsika amin’ny fomba tsy ampoizina ny fifandraisana amin’ireo razambe. Mahazo finoana sy hery isika avy amin’ireo fitsapana niainany sy ny zava-bitan’izy ireo. Mianatra mamela heloka sy manohy ny dia isika avy amin’ny fitiavan’izy ireo sy ny fahafoizan-tenany. …
… Ny fanompoana tsy misy tambiny ao amin’ny tempoly ho an’ireo olona lalaina no mahatonga ny Sorompanavotan’ny Mpamonjy ho tena zavatra azo tsapain-tanana ho antsika sy ho azy ireo. Rehefa voamasina isika dia afaka miverina eo anatrehan’ Andriamanitra amin’ny maha-fianakaviana iray mandrakizay antsika. …
Inona no azontsika atao amin’izao fotoana izao? …
… Angony ny sarin’izy ireo sy ny tantaran’izy ireo; velomy ireo fahatsiarovana azy ireo. Raketo ny anaran’izy ireo sy ny zavatra niainany ary ireo daty manan-danja. Fianakavianao izy ireo—ilay fianakaviana anananao sy nirinao. …
Faharoa, aoka ho avy amin’ny nahim-po sy mandeha ho azy ny fanaovana tantaram-pianakaviana. …
Fahatelo, tsidiho ny FamilySearch.org. Alaivo ireo application rehetra azo alaina. …
Fahaefatra, manampia amin’ny fampiraisana ireo fanakaviana ho mandrakizay. …
Manana tantara avokoa isika tsirairay. Avia mikaroka ny anao. Avia tadiavo ny feonao, ny hiranao, ny firindranao ao Aminy.