“Mba hanasitrana izao tontolo izao,” Ho zatovo mahery! mey 2022.
Fivoriana alahady maraina
Mba hanasitrana izao tontolo izao
Sombin-dahatsoratra
Inona no atao hoe fahalalahana ara-pivavahana?
Izany dia ny fahalalahana hitsaoka amin’ny endriny rehetra: fahalalahana hiangona, fahalalahana miteny, fahalalahana manao araka ny finoan’ny tena manokana, ary fahalalahan’ny hafa hanao toy izany koa. Ny fahalalahana ara-pivavahana dia mamela ny tsirairay amintsika hanapa-kevitra ho antsika mikasika ny zavatra inoantsika, ny fomba fiainantsika sy ny fihetsitsika araka ny finoantsika, ary ny zavatra andrasan’ Andriamanitra amintsika. …
Tao anatin’ny fisafotofotoana tamin’ny taona 1842 i Joseph [Smith] dia namoaka ny fitsipika fototra 13 ijoroan’ilay Fiangonana vao misondrotra, anisan’izany ny hoe: “Isika dia mitaky ny zo hanompo an’ Andriamanitra Tsitoha araka ny baikon’ny fieritreretantsika ary miaiky fa manana izany zo izany ny olon-drehetra, ka aoka izy hanompo, na manao ahoana na manao ahoana, na aiza na aiza, ary na inona na inona sitrany.” [Fanekem-pinoana 1:11].
Tsy manavaka sy manafaka ary feno fanajana ny zavatra nolazainy. Izany no tena fototry ny fahalalahana ara-pivavahana. …
Andao hiarahantsika mandinika ireo fomba efatra izay hahazoan’ny fiarahamonina na olon-tokana tombontsoa avy amin’ny fahalalahana ara-pivavahana.
Voalohany. Ny fahalalahana ara-pivavahana dia manaja ny didy voalohany sy faharoa ary mametraka an’ Andriamanitra ho ivon’ny fiainantsika. …
Faharoa. Ny fahalalahana ara-pivavahana dia mamporisika ny fanehoana ny finoana sy ny fanantenana ary fiadanana. …
Fahatelo. Ny fivavahana dia mitaona ny olona hanampy ny hafa. …
Ary fahaefatra. Ny fahalalahana ara-pivavahana dia hery mampiray sy mampivondrona mba hanorenana soatoavina sy fahadiovam-pitondrantena. …
Manasa anareo aho mba ho mpivoy ny foto-kevitry ny fahalalahana ara-pivavahana. Izany dia fanehoana ny fitsipiky ny fahafahana misafidy izay avy amin’ Andriamanitra.