“Mitia, mizara, manasa,” Ho zatovo mahery! mey 2022
Fivoriana alahady maraina
Mitia, mizara, manasa
Sombin-dahatsoratra
Ireo mpikamban’ny Fiangonana tany am-boalohany, nanomboka tamin’ny vao haingana indrindra ka hatramin’ireo efa tena za-draharaha, dia nandray anjara tamin’ilay iraka lehibe nampanaovin’ny Mpamonjy, ka nizara ny vaovao mahafalin’ny filazantsara tamin’ireo izay sendra azy sy fantany. …
Isika koa, amin’ny maha mpianatr’i Kristy antsika, dia asaina hanaraka ny asa nanirahany ankehitriny. …
… Soa ihany fa ilay iraka lehibe nampanaovin’ny Mpamonjy dia azo tanterahina amin’ny alalan’ireo fitsipika tsotra sy mora takatry ny saina izay nampianarina antsika tsirairay hatramin’ny fahazazana: mitia, mizara ary manasa. …
Ny zavatra voalohany azontsika atao dia ny mitia tahaka ny nitiavan’i Kristy. …
Isaky ny maneho fitiavana tahaka ny an’i Kristy amin’ny namantsika isika dia mitory ny filazantsara—na dia tsy miloaka teny iray akory aza. …
Ny fanantenanay, mazava ho azy, dia ny haneken’izy ireo ny fitiavanay, na dia tsy voafehinay aza ny mety ho fihetsik’izy ireo. …
Ny zavatra faharoa azontsika atao dia ny mizara. …
Mizara zavatra amin’ny hafa isika rehetra. …
Ahoana no ahafahantsika manampy tsotra izao ao amin’ny lisitr’ireo zavatra efa zaraintsika ny zavatra izay tiantsika momba ny filazantsaran’i Jesoa Kristy? …
Ny zavatra fahatelo azontsika atao dia ny manasa. …
Misy fanasana an-jatony azontsika atolotra ny hafa. Azontsika atao ny manasa ny hafa “[ho avy dia hahita].” …
Manasa anareo aho hisaintsaina ireo fomba ahafahanareo mitia sy mizara ary manasa. Rehefa manao izany ianareo dia hahatsapa fifaliana noho ny fahafantaranareo fa mihaino ny tenin’ny Mpamonjy malalantsika ianareo.