“Një Strukturë për Zbulesë Vetjake – Pjesë të Shkëputura”, Për Forcën e Rinisë, nëntor 2022.
Një Strukturë për Zbulesë Vetjake
Pjesë të Shkëputura
Neve na nevojitet ta kuptojmë strukturën brenda së cilës funksionon Fryma e Shenjtë për të siguruar zbulesën vetjake. …
Shkrimet e shenjta formojnë elementin e parë të kësaj strukture për zbulesë vetjake. Ushqimi me bollëk me fjalët e Krishtit, siç gjenden në shkrimet e shenjta, e nxit zbulesën vetjake. …
Një element i dytë i strukturës është që ne marrim zbulesë vetjake vetëm brenda fushëveprimit tonë dhe jo brenda kujdestarisë së të tjerëve. …
… Doktrina, urdhërimet dhe zbulesat për Kishën janë kujdestaria e profetit të gjallë, i cili i merr ato nga Zoti Jezu Krisht. …
… Vetëm profeti merr zbulesë për Kishën. …
Zbulesa vetjake me të drejtë u përket individëve. Ju mund të merrni zbulesë, për shembull, rreth vendit ku të jetoni, shtegut të karrierës që të ndiqni ose personit me kë të martoheni. …
Një element i tretë i strukturës është se zbulesa vetjake do të jetë në harmoni me urdhërimet e Perëndisë dhe besëlidhjet që kemi bërë me Të. …
Kur kërkojmë zbulesë rreth diçkaje për të cilën Perëndia e ka dhënë tashmë drejtimin e qartë, ne bëhemi të cenueshëm nga keqinterpretimi i ndjenjave tona dhe nga dëgjimi i asaj që duam të dëgjojmë. …
Elementi i katërt i strukturës është të dalloni atë që Perëndia jua ka zbuluar tashmë personalisht, ndërkohë që jeni të gatshëm të merrni zbulesë të mëtejshme prej Tij. …
… E di se Fryma e Shenjtë mund dhe do t’ju tregojë të gjitha gjërat që duhet të bëni.