“Të Shohim Më Shumë nga Jezu Krishti në Jetën Tonë – Pjesë të Shkëputura”, Për Forcën e Rinisë, nëntor 2022.
Të Shohim Më Shumë nga Jezu Krishti në Jetën Tonë
Pjesë të Shkëputura
Për të na ndihmuar që të qëndrojmë të përqendruar dhe duke shkuar në drejtimin e duhur, Shpëtimtari na fton ta shohim jetën tonë nëpërmjet Tij, me qëllim që të shohim më shumë prej Tij në jetën tonë. …
Si një pasuese e ungjillit që herët, unë u ndesha me shumë njerëz që i vëzhguan dhe i kuptuan ndryshimet në sjelljet, praktikat dhe zgjedhjet e mia pasi u bashkova me Kishën. …
… Nëpërmjet përpjekjes rigoroze për të parë te Jezu Krishti dhe për ta kërkuar Atë në çdo mendim dhe veprim nga ana ime, sytë e mi u ndriçuan dhe të kuptuarit e mi u përshpejtua për të dalluar se Jezu Krishti po më bënte thirrje që të “vija tek” Ai. …
Mësova atëherë, ashtu sikurse e di tani, se Shpëtimtari ynë, Jezu Krishti, i drejton këmbët tona drejt shtëpive të mbledhjeve çdo javë që të marrim sakramentin e Tij, drejt shtëpisë së Zotit që të bëjmë besëlidhje me Të, drejt shkrimeve të shenjta dhe mësimeve të profetëve që të mësojmë prej fjalëve të Tij. Ai e drejton gojën tonë që të dëshmojë për Të, duart tona që të ngrenë moralisht e të shërbejnë siç do të ngrinte moralisht e do të shërbente Ai, sytë tanë që t’i shohin botën dhe njëri‑tjetrin siç i sheh Ai – “ashtu siç janë në të vërtetë, dhe … ashtu siç do të jenë në të vërtetë” [Jakobi [LiM] 4:13]. Dhe kur e lejojmë Atë që të na drejtojë në të gjitha gjërat, ne marrim dëshmi se “të gjitha gjërat tregojnë se ka një Perëndi” [Alma 30:44], sepse atje ku kërkojmë për Të, ne do ta gjejmë Atë.