«Հետևեք Հիսուս Քրիստոսին հավատքի քայլերով—Հատվածներ», Երիտասարդներին զորացնելու համար, նոյեմբեր 2022։
Հետևեք Հիսուս Քրիստոսին հավատքի քայլերով
Հատվածներ
Եղբայրնե՛ր և քույրե՛ր, ես վկայում եմ, որ երբ մենք հետևում ենք Հիսուս Քրիստոսին հավատքի քայլերով, անշուշտ հույս կա: Հույս կա Տեր Հիսուս Քրիստոսում: Այս կյանքում բոլորի համար հույս կա: Հույս կա՝ հաղթահարելու մեր սխալները, մեր վշտերն ու մաքառումները, մեր փորձություններն ու դժվարությունները: Ապաշխարության, ներվելու և ուրիշներին ներելու հույս կա: Ես վկայում եմ, որ Քրիստոսում կա հույս և խաղաղություն: Նա կարող է մեզ այսօր տանել դժվարին ժամանակների միջով: Նա արեց դա վաղ ռահվիրաների համար, և հիմա Նա կանի դա մեզանից յուրաքանչյուրի համար։ …
Երբ մտածում եմ ռահվիրաների մասին, որոնք ճանապարհ են պատրաստել ուրիշների համար, ես նախ մտածում եմ մարգարե Ջոզեֆ Սմիթի մասին։ …
Այսօրվա մեր միսիոներները ժամանակակից ռահվիրաներ են, որովհետև նրանք կիսում են [Վերականգնման] այդ փառահեղ ուղերձը ողջ աշխարհի մարդկանց հետ՝ այդպիսով ճանապարհ բացելով մեր Երկնային Հոր զավակների համար, որ ճանաչեն Նրան և Նրա Որդի Հիսուս Քրիստոսին։ …
Նախագահ Նելսոնը եղել է Եկեղեցու ռահվիրա։ …
Նա ուսուցանում է մեզ, թե ինչպես հոգևորապես ավելի ինքնապահով դառնալ։ …
Մեր Փրկիչ Հիսուս Քրիստոսը ճանապարհը նախապատրաստելու վերջնական ռահվիրան է: Հիրավի, Նա է «ճանապարհը» [Հովհաննես 14․6], որով պետք է իրականացվի փրկության ծրագիրը, որպեսզի մենք կարողանանք ապաշխարել և Նրա հանդեպ հավատքի միջոցով վերադառնանք մեր Երկնային Հոր մոտ։ …
Թող որ մենք միշտ հետևենք Հիսուս Քրիստոսի ոտնահետքերին և, հավատքով կատարելով մեր յուրաքանչյուր քայլը, կենտրոնանանք Նրա վրա և ամուր կառչած պահենք մեր ոտքերը ուխտի ուղու վրա։