«Մոտենալ Փրկչին—Հատվածներ», Երիտասարդներին զորացնելու համար, նոյեմբեր 2022։
Մոտենալ Փրկչին
Հատվածներ
Մենք գիտակցում ենք, որ երբ աշխարհում չարիքն աճում է, մեր և մեր սիրելի մարդկանց հոգևոր գոյատևումը պահանջում է, որ մենք լիարժեք սնուցենք, կոփենք և ամրացնենք Հիսուս Քրիստոսի հանդեպ մեր հավատքի արմատները։ …
Մենք լավ գիտենք, որ Հիսուս Քրիստոսի հանդեպ հավատք ունենալը և Նրա ճշմարիտ աշակերտ լինելը միայն մեկանգամյա որոշում չէ՝ այն ավելին է, քան մեկանգամյա որոշումը։ Դա նվիրական, շարունակական գործընթաց է, որն աճում և ընդլայնվում է մեր կյանքի տարբեր փուլերում՝ շարունակվելով այնքան, մինչև մենք ծնկի իջնենք Նրա ոտքերի մոտ:
Աշխարհում՝ որոմների մեջ աճող ցորենի նման, գալիք օրերին ինչպե՞ս կարող ենք խորացնել և ամրացնել մեր հավատարմությունը Փրկչի հանդեպ:
Ահա երեք միտք.
Նախ՝ մենք կարող ենք ամբողջությամբ ընկղմվել Հիսուսի կյանքի, Նրա ուսմունքների, Նրա վեհության, Նրա զորության և Նրա քավող զոհաբերության մեջ։ …
Հաջորդը, քանի որ մենք ավելի լավ ենք ճանաչում և սիրում Փրկչին, մենք ավելի շատ ենք ցանկանում խոստանալ Նրան մեր հավատարմությունն ու վստահությունը: Մենք ուխտեր ենք կապում Նրա հետ։ …
Ուխտեր կապելով և պահելով՝ Փրկչի սերն ավելի խորն է ամրանում մեր սրտերում։ …
Եվ վերջում՝ իմ երրորդ միտքը․ մեր նվիրական ջանքերում մենք պահպանում և պաշտպանում ենք Սուրբ Հոգու պարգևը։ …
… Երբ դուք թույլ տաք, որ ձեր սերը Փրկչի հանդեպ և Նրա սերը ձեր հանդեպ արմատավորվի ձեր սրտի խորքում, ես ձեզ խոստանում եմ հավելյալ վստահություն, խաղաղություն և ուրախություն ձեր կյանքի մարտահրավերներին դիմակայելիս։