![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F48%2F08%2F4808ff48448cd2b3ccc5e5a46b3ed4c75bc3e68c%2F4808ff48448cd2b3ccc5e5a46b3ed4c75bc3e68c.jpeg/full/!250,/0/default)
విశ్వాస నేత్రము
ఆ ప్రకటనలో మనము దేనిని అంగీకరిస్తామో ఏరి, ఎంపిక చేసిన యెడల, ఇక్కడ మరియు ఇప్పుడు మన అనుభవముపై ఎక్కువ ప్రాముఖ్యతను ఉంచుతూ, మన నిత్య దృష్టిని మనము మసకగా చేస్తున్నాము.
ఆయన సిలువ వేయబడకముందు, యేసు తీర్పు తీర్చు గదిలో పిలాతు యెదుటకు తీసుకొనిపోబడెను. “యూదుల రాజువు నీవేనా?” పిలాతు ధిక్కారము లేదా అయిష్టతతో అడిగాడు. యేసు జవాబిచ్చాడు: “నా రాజ్యము ఈ లోకసంబంధమైనది కాదు. … సత్యమును గూర్చి సాక్ష్యమిచ్చుటకు నేను లోకమునకు వచ్చితిని. సత్యసంబంధియైన ప్రతివాడును నా మాట వినుననెను.”
పిలాతు విమర్శనాత్మకంగా అడిగాడు, “సత్యమనగా ఏమిటి?”1
నేటి లోకములో, “సత్యమనగా ఏమిటి?” అనే ప్రశ్న మతమును నమ్మని వారికి చిక్కైనది కావచ్చు.
“సత్యమనగా ఏమిటి?” కొరకు ఇంటర్నెట్లో పరిశోధన మిలియన్ల కంటే ఎక్కువ జవాబులను తెచ్చును. ఇటుకలు మరియు సున్నముగల గ్రంథాలయములోని పుస్తకములన్నిటి లో కంటే మన సెల్ ఫోన్లలో ఎక్కువ సమాచారము లభ్యమగుచున్నది. మనము ఉపయోగించే దానికంటే ఎక్కువ సమాచారముతో మనము జీవిస్తున్నాము. మనము నిరంతరము శోధించే మరియు ఆకర్షించే ఎంపికల చేత ప్రభావితం చేయబడుతున్నాము.
నేటి కలవరములో పట్టబడి, 2500 సంవత్సరాల క్రితం, సోక్రటిస్తో ప్రోటాగొరస్ ఇలా అన్నాడు: “మీకు సత్యమనిపించేది,” “మీకు సత్యముగా ఉండును, మరియు నాకు సత్యమనిపించేది, నాకు సత్యముగా ఉండును,”2 అని చెప్పబడిన మాటలకు అనేకమంది తమను తాము అప్పగించుకొనుటలో ఆశ్చర్యము లేదు.
యేసు క్రీస్తు యొక్క పునఃస్థాపించబడిన సువార్త ద్వారా సత్యము
యేసు క్రీస్తు యొక్క సువార్తతో దీవించబడి, కొన్ని విషయాలు పూర్తిగా మరియు ఖచ్చితంగా యదార్ధమైనవని మేము వినయముగా ప్రకటిస్తున్నాము. ఈ నిత్య సత్యములు దేవుని యొక్క ప్రతీ కుమారుడు మరియు కుమార్తె కొరకు అదేవిధంగా ఉన్నవి.
“సత్యము ఏదనగా, విషయముల యొక్క జ్ఞానము అవి ఉన్నట్లుగా, అవి ముందున్నట్లుగా, మరియు అవి రాబోవుతున్నట్లుగా ఉన్నాయి”3 అని లేఖనాలు బోధిస్తున్నాయి. సత్యము ఇదివరకే జరిగిన విషయాలను మరియు ఇంకా జరగని విషయాలను కలిగియున్నది.
“నేనే మార్గమును, సత్యమును, జీవమును: నా ద్వారానే తప్ప యెవడును తండ్రి యొద్దకు రాడు”4 అని యేసు చెప్పెను. సత్యము నిత్య జీవమునకు మార్గమును మనకు చూపును, మరియు అది మన రక్షకుడైన, యేసు క్రీస్తు ద్వారా మాత్రమే వచ్చును. మరే ఇతర మార్గము లేదు.
ఎలా జీవించాలో యేసు క్రీస్తు మనకు బోధిస్తున్నారు, ఆయన ప్రాయశ్చిత్తము మరియు పునరుత్థానము ద్వారా, మన పాపమునుండి క్షమాపణ మరియు ఈ జీవితము తరువాత అమర్త్యత్వమును మనకిచ్చుచున్నారు. ఇది ఖచ్చితంగా సత్యమైనది.
మనము ధనికులము లేక పేదవారము, ప్రసిద్ధి చెందిన లేక తెలియని, అధునాతనమైన వారము, లేక సాధారణమైన వారమైనా ముఖ్యము కాదని యేసు మనకు బోధిస్తున్నారు. దాానికి బదులు, మన మర్త్య అన్వేషణ ప్రభువైన యేసు క్రీస్తునందు మన విశ్వాసమును బలపరచుటకు, చెడుకు పైగా మంచిని ఎన్నుకొనుటకు, మరియు ఆయన ఆజ్ఞలను పాటించుటను కలిగియుండాలి. విజ్ఞానము మరియు వైద్యము యొక్క ఆవిష్కరణలను మనము వేడుక చేసుకొనుచుండగా, దేవుని యొక్క సత్యములు ఈ ఆవిష్కరణల కంటే అత్యధికమును కలిగియున్నవి.
నిత్యత్వము యొక్క సత్యములకు వ్యతిరేకముగా, సత్యము నుండి దేవుని యొక్క పిల్లలను అంతరాయపరచుటకు ఎల్లప్పుడు నకీలిలు ఉన్నవి. అపవాది యొక్క వాదనలు ఎల్లప్పుడు అదేవిధంగా ఉన్నవి. 2000 సంవత్సరములకు ముందు చెప్పబడిన వీటిని వినండి:
“[మీరు] చూడనివి [మీరు] తెలుసుకోలేరు. … (ఒక వ్యక్తి చేసేది ఏదైనా) నేరము కాదు.”
“[దేవుడు నిన్ను దీవించుట లేదు, కానీ] ప్రతీ [వ్యక్తి] తన [స్వంత] మేథస్సును బట్టి వర్ధిల్లును.”5
“ క్రీస్తు … వంటి వ్యక్తి … దేవుని యొక్క కుమారుడు(అగుట) తర్కించదగినదే కాదు.”6
“[మీరు నమ్మేది ఒక మూర్ఖపు సంప్రదాయము మరియు] మీ [మనస్సు] యొక్క వెఱ్ఱితనము.”7 నేటివలే అనిపిస్తుంది కదా?
సువార్త యొక్క పునఃస్థాపనతో, ఆవశ్యకమైన ఆత్మీయ సత్యములను నేర్చుకొని, తెలుసుకొను విధానమును దేవుడు మనకిచ్చాడు: పరిశుద్ధ లేఖనాలు, మన వ్యక్తిగత ప్రార్థనలు, మన స్వంత అనుభవాల ద్వారా, జీవిస్తున్న ప్రవక్తలు మరియు అపొస్తులుల ద్వారా, మరియు “అన్ని విషయముల యొక్క సత్యమును తెలుసుకొనుటకు” మనకు సహాయపడగలు పరిశుద్ధాత్మ యొక్క నడిపింపు ద్వారా వాటిని మనము నేర్చుకుంటాము.”8
సత్యము ఆత్మానుభవము చేతనే వివేచింపదగును
మనము వాటిని ఆత్మీయంగా వెదకినప్పుడు దేవుని యొక్క విషయాలను మనము తెలుసుకోగలము. పౌలు ఇలా చెప్పెను, “దేవుని సంగతులు దేవుని ఆత్మకే గాని మరి ఎవనికిని తెలియవు. … (ఏలయనగా) అవి ఆత్మీయంగా గ్రహించబడును.”9
మైఖెల్ మర్ఫీ చేత ఈ చిత్రలేఖనము చూడండి. ఈ దృష్టికోణము నుండి, అది ఒక మానవ నేత్రము యొక్క కళాత్మక చిత్రమని మీరు నమ్మలేరు. అయినప్పటికినీ, ఒక భిన్నమైన దృష్టికోణము నుండి చుక్కల వైపు మీరు చూసినప్పుడు, కళాకారుని సృష్టి యొక్క అందమును మీరు చూస్తారు.
అదేవిధంగా, మనము విశ్వాస నేత్రము యొక్క దృష్ఠికోణము ద్వారా దేవుని యొక్క ఆత్మీయ సత్యములను చూస్తాము. పౌలు ఇలా చెప్పెను: “ప్రకృతి సంబంధియైన మనుష్యుడు దేవుని ఆత్మ విషయములను అంగీకరింపడు, అవి అతడికి వెఱ్ఱితనముగా ఉన్నవి, అది ఆత్మానుభవము చేతనే వివేచింపదగును కనుక అతడు గ్రహింపజాలడు.” 10
లేఖనాలు, మన ప్రార్థనలు, మన స్వంత అనుభవాలు, ఆధునిక ప్రవక్తలు, మరియు పరిశుద్ధాత్మ యొక్క వరము భూమిపై మన ప్రయాణము కొరకు అవసరమైన సత్యము యొక్క స్పష్టమైన ఆత్మీయ దృష్టికోణమును మనకు తెచ్చును.
విశ్వాస నేత్రము ద్వారా ప్రకటన
కుటుంబముపై ప్రకటనను విశ్వాస నేత్రము ద్వారా మనము చూద్దాం.
అధ్యక్షులు గార్డన్ బి. హింక్లీ ఈ వ్యాఖ్యానముతో “కుటుంబము: ప్రపంచమునకు ఒక ప్రకటనను పరిచయము చేసారు: “సత్యముగా సమర్పించబడిన అత్యధికమైన అబద్ధపు వాదనలతో, ప్రమాణములు మరియు విలువను గూర్చి అత్యధిక మోసముతో, మిగిలిన ప్రపంచముతో అవినీతిగా మారుటకు అత్యధిక (అభిప్రాయముల) ఆకర్షణ మరియు శోధనతో, మేము (మిమ్మల్ని) హెచ్చరించాలని భావించాము.”11
ప్రకటన ప్రారంభించును: “పురుషుడు, స్త్రీ—మానవులందరు—దేవుని యొక్క స్వరూపములో సృజించబడిరి. ప్రతీఒక్కరు, పరలోక తల్లిదండ్రుల యొక్క ప్రియమైన ఆత్మ కుమారుడు లేక కుమార్తె, మరియు దీనివలన ప్రతీఒక్కరు ఒక దైవిక స్వభావమును మరియు గమ్యమును కలిగియున్నారు.”
ఇవి నిత్య సత్యములు. మీరు నేను ఆకస్మికమైన స్వభావమును కలిగిలేము.
ఈ మాటలను నేను ప్రేమిస్తున్నాను: “మర్త్యత్వమునకు ముందు లోకములో, ఆత్మ కుమారులు మరియు కుమార్తైలు, దేవుని తమ నిత్య తండ్రిగా ఎరిగి ఆరాధించారు మరియు ఆయన ప్రణాళికను అంగీకరించారు.”12
మన జననమునకు ముందు మనము జీవించాము. మన వ్యక్తిగత గుర్తింపు శాశ్వతముగా మనలో ఒక భాగము. మనము పూర్తిగా గ్రహించని విధానాలలో, అక్కడ మర్త్యత్వమునకు ముందు లోకములో మన ఆత్మీయ అభివృద్ధి ఇక్కడ మనము ఎవరిమో ప్రభావితం చేయును.13 మనము దేవుని యొక్క ప్రణాళికను అంగీకరించాము. భూమి మీద మనము కష్టములు, బాధ, మరియు విచారము అనుభవిస్తామని మనము ఎరుగుదుము.14 రక్షకుడు వస్తాడని మరియు మనల్ని మనం యోగ్యులుగా రుజువు చేసుకొన్నప్పుడు, “(మన) శిరస్సులపై శాశ్వతంగా, మరియు ఎప్పటికీ మహిమ చేర్చబడి”15 పునరుత్థానములో లేస్తామని కూడ మనము ఎరుగుదుము.
ప్రకటన సూటిగా ఉన్నది: “మర్త్య జీవితము సృష్టించబడిన ఆధారము దైవికంగా నియమించబడిందని మేము ప్రకటిస్తున్నాము. మేము జీవితము యొక్క పరిశుద్ధతను మరియు దేవుని యొక్క నిత్య ప్రణాళికలో దాని ప్రాముఖ్యతను నిర్ధారిస్తున్నాము.”
మన తండ్రి యొక్క ప్రణాళిక ఒక భర్త మరియు భార్య, పిల్లలను లోకములోనికి తెచ్చుటకు ప్రోత్సహించును మరియు పుట్టని పిలలను కాపాడుటలో మాట్లాడుటకు మనల్ని బద్ధుల్నిగా చేయుచున్నాడు.
ఆ ప్రకటన యొక్క సూత్రములు మనోహరముగా సంధించబడినవి
ఆ ప్రకటనలో మనము దేనిని అంగీకరిస్తామో ఏరి, ఎంపిక చేసిన యెడల, ఇక్కడ మరియు ఇప్పుడు మన అనుభవముపై ఎక్కువ ప్రాముఖ్యతను ఉంచుతూ, మన నిత్య దృష్టిని మనము మసకగా చేస్తున్నాము. విశ్వాస నేత్రముతో ప్రకటనను ప్రార్థనాపూర్వకంగా లోతుగా ధ్యానించుట ద్వారా, ఆయన పిల్లల కొరకు మన తండ్రి యొక్క ప్రణాళికను బయల్పరుస్తూ, సూత్రములు ఒక దానిని మరొకటి బలపరుస్తూ, ఎలా అందముగా జతపరచబడినవో మనము ఉత్తమంగా గ్రహిస్తాము.16
ఆయన చిత్తమును ప్రభువు యొక్క జీవిస్తున్న ప్రవక్తలు ప్రకటించినప్పుడు, మరియు కొందరికి, ఇంకా దాని గురించి కలిగియున్న మిగిలిన ప్రశ్నలపై మనము నిజముగా ఆశ్చర్యపడాలా? అవును, కొందరు ప్రవక్తల స్వరమును వెంటనే తిరస్కరించినప్పటికినీ,17 ఇతరులు వారి నిజాయితీగల ప్రశ్నలను ప్రార్ధనాపూర్వకంగా లోతుగా ధ్యానిస్తారు,--- సహనముతో మరియు విశ్వాస నేత్రముతో ఆ ప్రశ్నలకు సమాధానాలు దొరకుతాయి. వేరే శతాబ్ధములో ప్రకటన బయల్పరచబడిన ఉన్నయెడల, అక్కడ ఇంకను అనేక ప్రశ్నలు ఉండవచ్చు, కేవలము నేటి ప్రశ్నల కంటే అవి భిన్నమైనవి. ప్రవక్తల యొక్క ఒక ఉద్దేశమేదనగా, నిజాయితీగల ప్రశ్నలను పరిష్కరించుటలో మనకు సహాయపడుట.18
సంఘ అధ్యక్షునిగా ఉండుటకు ముందు, అధ్యక్షులు రస్సెల్ ఎమ్. నెల్సన్ చెప్పారు: “ప్రవక్తలు ముందున్నది చూస్తారు. వారు మన మార్గముపై అపవాది ఉంచిన లేక ఇకపై ఉంచబోవు హానికరమైన అపాయములను చూస్తారు. విధేయులు కావాలనే ఉద్దేశముతో విను వారికి ఎదురుచూచు గొప్ప సాధ్యతలు మరియు విశేషావకాశములను కూడ ప్రవక్తలు ముందుగా చూస్తున్నారు.”19
ప్రథమ అధ్యక్షత్వము మరియు పన్నెండుమంది అపొస్తులుల సమూహము యొక్క ఐక్యముగల స్వరము యొక్క సత్యము మరియు ఆత్మీయ శక్తిని గూర్చి నేను సాక్ష్యమిస్తున్నాను.
లోకము అనుసరించుట లేదు
నా జీవితకాలములో, ప్రకటనలో బోధించబడిన సూత్రములు అనేకము గురించి లోకము యొక్క నమ్మకములందు నాటకీయమైన మార్పును మనము చూసాము. నా యౌవనము మరియు వివాహమైన ప్రారంభ సంవత్సరాలలో, లోకములో అనేకమంది లైంగిక సంబంధాలు చట్టప్రకారము వివాహితులైన పురుషుడు, స్త్రీ మధ్య మాత్రమే జరగాలనే పవిత్రత చట్టముగా మనము పిలిచిన ప్రభువు యొక్క ప్రమాణమును అనుసరించలేదు. నా 20, 30 సంవత్సరాలలో, గర్భవిచ్ఛిత్తి ఎక్కువ అంగీకారమైనది కనుక, పుట్టని బిడ్డ యొక్క పరిశుద్ధమైన భద్రతను అనేకమంది విడిచిపెట్టారు. ఇటీవల సంవత్సరాలలో, అనేకమంది వివాహమనగా పురుషుడు మరియు స్త్రీ మధ్య ఒక పరిశుద్ధమైన కలయక అనే దేవుని యొక్క చట్టమును పాటించుట మానేసారు.20
ప్రభువు ఏర్పరచిన సరిహద్దుల నుండి అనేకమంది దూరముగా వెళ్లిపోవుటను గమనిస్తూ, రక్షకుడు తన దైవత్వమును ప్రకటించినప్పుడు, కపెర్నహూములో ఆ దినమును మనకు జ్ఞాపకము చేయును, విచారముగా, “ఆయన శిష్యులలో అనేకులు … వెనుకతీసి మరి ఎన్నడును ఆయనను వెంబడించలేదు.”
తరువాత రక్షకుడు వెనకకు తిరిగి, పన్నెండుమందిని అడిగాడు: “మీరు కూడ వెళ్లిపోవలెనని యున్నారా?”
పేతురు ఇలా సమాధానము చెప్పెను:
“ప్రభువా, యొవని యెద్దకు వెళ్లుదుము? నీవే నిత్యజీవపు మాటలు గలవాడవు.
“నీవే జీవముగల దేవుని కుమారుడవని, క్రీస్తువని మేము విశ్వసించి యెరిగియున్నాము.”21
ఆ ప్రకటనలో అందరూ కూడా చక్కగా సరిపోరు.
యౌవనులు మరియు వృద్ధులు, అనేకమంది వారి ప్రస్తుతపు స్వంత అనుభవము కుటుంబ ప్రకటన లోపల చక్కగా సరిపోనప్పటికినీ, ప్రవక్తల యొక్క బోధనలకు నమ్మకంగా, యదార్ధముగా ఉన్నారు: విడాకుల చేత కదిలించబడిన జీవితాలు గల పిల్లలు; పవిత్రత చట్టమును ఎగతాళి చేయు స్నేహితులు గల యువత; భర్త లేక భార్య యొక్క అవిశ్వాసము ద్వారా చాలా గాయపరచబడిన స్త్రీలు మరియు పురుషులు; పిల్లలు కనలేని భర్తలు మరియు భార్యలు; పునఃస్థాపించబడిన సువార్త యందు వారి విశ్వాసమును పంచుకోని భర్త లేక భార్యను వివాహము చేసుకొన్న స్త్రీలు మరియు పురుషులు; వేర్వేరు కారణముల వలన, వివాహము చేసుకోలేని ఒంటరి స్త్రీలు మరియు పురుషులు.
దాదాపు 20 సంవత్సరాలుగా ఒక స్నేహితుడు, నేను గొప్పగా మెచ్చుకొనే వ్యక్తి, స్వలింగ-ఆకర్షణ వలన వివాహము చేసుకోలేదు. అతడు తన దేవాలయ నిబంధనలకు యదార్ధముగా నిలిచియున్నాడు, అతడు తన సృజనాత్మక మరియు వృత్తిపరమైన ప్రతిభలను విస్తరింపచేసాడు, సంఘము మరియు సమాజము రెండిటిలో ఘనంగా సేవ చేసాడు. అతడు ఇటీవల నాతో చెప్పాడు, “నా పరిస్థితిలో ఉండి, మనము నివసించే లోకములో పవిత్రత చట్టమును పాటించుటకు ఎన్నుకోనివారికి నా సానుభూతి చూపగలను. కానీ క్రీస్తు మనల్ని ‘ఈ లోకమునకు చెందవద్దు’ అని అడగలేదా? దేవుని యొక్క ప్రమాణములు లోకము యొక్క వాటి నుండి భిన్నముగా ఉన్నవని స్పష్టమైనది.”
నరుని చట్టములు దేవుని చట్టములు ఏర్పరచిన సరిహద్దులను మీరి బయటకు పోవును. దేవుని సంతోషరచాలని అనుకొనేవారికి తప్పకుండా విశ్వాసము, సహనము మరియు శ్రద్ధ అవసరము. 22
నా భార్య, కాథీ, మరియు నేను ఒక ఒంటరి సహోదరిని ఎరుగుదుము, ఆమె వయస్సు ఇప్పుడు 40, 50 కి మధ్యలో ఉండి, తన వృత్తిపరమైన సామర్ధ్యములందు వరమివ్వబడినది మరియు తన వార్డులో సాహసముగా సేవ చేస్తున్నది. ఆమె కూడా దేవుని చట్టములను పాటిస్తున్నది. ఆమె ఇలా వ్రాసింది:
“ఒక భర్త మరియు పిల్లలతో దీవించబడే దినమును గూర్చి నేను కలగన్నాను నేనింకా ఎదురు చూస్తున్నాను. కానీ నాకు లేనివాటిపై నుండి దృష్టి మరల్చి, మరియు బదులుగా, నేను కలిగియున్న దానిపై, మరియు ఇతరులకు ఎలా సహాయపడగలనో దృష్టిసారించుటకు నేను ప్రయత్నిస్తాను.
“నా పొడిగించబడిన కుటుంబమునకు, నా వార్డుకు, మరియు దేవాలయములో సేవ నాకు సహాయపడినవి. నేను మరిచిపోబడలేదు మరియు ఒంటరిగా లేను, ఎందుకనగా, నేను మరియు మనమందరము ఒక పెద్ద కుటుంబము యొక్క భాగము.”
అర్థము చేసుకొనేవారు ఒకరు ఉన్నారు
“మీరు నా పరిస్థితి అర్ధము చేసుకోరు,” అని కొందరు అంటారు. నేను గ్రహించలేకపోవచ్చు, కానీ అర్ధము చేసుకొనేవారు ఒకరున్నారని నేను సాక్ష్యమిస్తున్నాను.23 వనములో మరియు సిలువపై ఆయన త్యాగము వలన, మీ భారములను ఎరిగిన ఒకరున్నారు. మీరు ఆయనను వెదకి, ఆయన ఆజ్ఞలను పాటించినప్పుడు, ఆయన మిమ్మల్ని దీవిస్తారని, మరియు ఒంటరిగా మోయుటకు చాలా బరువైన భారములు పైకెత్తునని నేను మీకు వాగ్దానము చేస్తున్నాను. ఆయన మీకు నిత్య స్నేహితులను మరియు సేవ చేయుటకు అవకాశములనిచ్చును. మరి ముఖ్యముగా, ఆయన మిమ్మల్ని పరిశుద్ధాత్మ యొక్క శక్తివంతమైన ఆత్మతో నింపును మరియు ఆయన పరలోకపు ఆమోదమును మీపై ప్రకాశింప చేయును. పరిశుద్ధాత్మ యొక్క సహవాసమును లేక నిత్యత్వము యొక్క దీవెనను నిరాకరించు ఏ ఎంపిక, ఏ ప్రత్యమ్నాయము మన ఆలోచనకు యోగ్యతగలది కాదు.
రక్షకుడు జీవిస్తున్నాడని నేను ఎరుగుదును. ఆయన నిజముగా ముఖ్యమైన సమస్త సత్యము యొక్క ఆధారమని, మరియు ఆయన ఆజ్ఞలను పాటించు వారికి ఆయన వాగ్ధానమిచ్చిన దీవెనలన్నిటినీ నెరవేర్చుననని నేను సాక్ష్యమిస్తున్నాను. యేసు క్రీస్తు నామములో, ఆమేన్.